Актери кои глумат најдобри пријатели во серии, но не се поднесуваат во реалноста

Џени Гарт и Шенон Доерти

Beverly Hills беше тинејџерската серија што ги одбележа 1990-ите, но односот меѓу актерите, особено Џени и Шенон, не бил најдобар.

Според Тори Спелинг, која исто така глумеше во серијата, Шенон честопати предизвикувала караници, а еднаш имало и физичка пресметка меѓу неа и Џени.

„Се сеќавам на еден инцидент кога мораше да излеземе надвор. Имаше тепачка со боксови“, изјави Тори во 2019-та.

Кратко по тепачката, Џени, но и другите членови на актерската екипа, побарале Шенон да биде избркана од серијата.

Џилијан Андерсон и Дејвид Духовни

Џилијан Андерсон има изјавено дека не се поднесувале со колегата Дејвид Духовни на сетот на The X Files.

Сепак, додаде дека оттогаш созреале и научиле да се толерираат.

„Не ни беше лесно. Снимавме 24 епизоди годишно – 16 часа снимање дневно, пет дена во неделата.

И, девет години со ова темпо!“

Според актерката, таа била среќна што е дел од серијата бидејќи тоа ѝ била првата улога, но Дејвид се однесувал арогантно бидејќи веќе се имал појавувано во филмови.

„Дефинитивно имаше периоди кога се мразевме. Се случуваше воопшто да не зборуваме.

Беше интензивно. Сепак, денес сме поблиски“.

Тери Хачер и сите колешки од Desperate Housewives

За главните ликови во Desperate Housewives може да се каже дека се најдобри пријателки.

Сепак, приватно, Тери Хачер била проблем за скоро сите колешки.

Не е познато што точно се случувало на сетот, но Николет Шеридан има изјавено дека Тери е „најзлобната жена во светот“.

Ева Лонгорија, пак, пред некоја година откри дека со актерките биле блиски, освен една.

Алиса Милано и Шенон Доерти

Иако глумеа сестри во Charmed, Алиса и Шенон не биле особено блиски во приватниот живот.

Не е познато што точно го почнал конфликтот, но нивните караници зад сцените постојано создавале тензична атмосфера на сетот.

На крај, Шенон „крена раце“ од серијата по завршувањето на третата сезона.

„Имаше многу драма на сетот, а недоволно страст за работа. Имам 30 години и повеќе немам време за драма во мојот живот.

Ми недостасува Холи Мери Комбс и тоа е единственото нешто што сакам да го кажам“, изјави Шенон кратко откако ја напушти серијата.

Низ годините можеби го подобриле односот, бидејќи Алиса не ја игнорираше тажната смрт на Шенон која почина од рак.

Спирова С. | Црнобело