Анџелина Џоли и Нокс купуваат храна: Дел од славните им помагаат на жртвите во пожарите во Лос Анџелес (фото)

Детали

сабота, 11 јануари 2025

„Моја пријателка загина во пожарите“, низ солзи изјави Џенифер Гарнер која беше забележана како волонтира во организација која дели бесплатни оброци на жртвите во Лос Анџелес.

Пожарите во Лос Анџелес никако да се стават под контрола и досега се уништени над 10.000 домови, а евакуирани се повеќе од 100.000 лица.

Бројни луѓе изгубија сè што имаат, а надлежните известија и за најмалку десет жртви.

И многу славни личности останаа без своите луксузни куќи во Лос Анџелес, а дел од нив одлучија да им помогнат на другите жртви.

Меган Маркл и принцот Хари беа забележани како делат оброци на евакуираните.

Меган беше фотографирана и како прегрнува и теши неколку од жртвите.

Претходно, тие изјавија дека вратите на нивниот дом во Калифорнија се отворени за пријателите кои ги изгубиле своите куќи.

„Одвоија време да разговараат со луѓето.

Меган и Хари се грижливи личности кои навистина се загрижени за нивните пријатели и соседи“, сподели еден од присутните.

И Анџелина Џоли одлучила да прими луѓе во својот дом, а со син ѝ Нокс беа фотографирани како купуваат голема количина храна и вода.

„Имаме луѓе дома. Планирам и да донирам пари, а засега се грижам за моите блиски кои се во мојот дом“, гласи кратката изјава на актерката.

Џенифер Гарнер, пак, откри дека една од жртвите во пожарот е нејзина пријателка.

„Изгубив пријателка. Но, уште не е време да зборуван за неа.

Срцето и се крши за сите мои блиски“, изјави низ солзи актерката за американска телевизија.

Џенифер ѝ помагаше на непрофитна невладина организација која има организирано бесплатни оброци за жртвите.

Актерката изјави дека се чувствувала виновна и без двоумење побарала начин да помогне.

Таа изјави дека била блиска со готвачот од непрофитната организација, па веднаш го прашала каде може да се ангажира.

Актерот Марк Волберг има спортска продавница во Калифорнија, а на Инстаграм откри дека секој кој сака, може да оди таму и бесплатно да земе каква било опрема што му треба.

Исто така, изјави дека и кафетеријата во склоп на продавницата нуди бесплатни пијалаци и печива за жртвите.

Тој им понуди на сите слободно да одат во продавницата и да си наполнат телефон, лаптоп или што било доколку немаат каде.

Други познати личности открија дека ќе донираат пари, а некои започнаа и кампањи за донација.

Додека Џејми Ли Кертис изјави дека со семејството ќе донираат 1 милион долари, Парис Хилтон откри дека донирала 100.000 долари и ги повика нејзините фанови да помогнат.

Меѓу познатите кои изгубија куќи во пожарот се Ентони Хопкинс, Парис Хилтон, Адам Броди и Лејтон Мистер…

Прочитајте повеќе: Парис Хилтон, Ентони Хопкинс: До темел изгорени домовите на холивудските ѕвезди од пожарите во Лос Анџелес (фото)

Уште не е позната причината за пожарите, но американските медиуми известија дека вчера било уапсено лице кое можеби имало поврзаност со трагедијата.

Сепак, засега ништо не е потврдено и истрагата уште е во тек.

Спирова С. | Црнобело