Софија Вергара (52) и Луис Хамилтон (40) ги разгореа гласините дека се пар: „Сака помлади мажи“

Детали

четврток, 16 јануари 2025

Софија Вергара беше забележана на ручек со 12 години помладиот Луис Хамилтон, па веќе се шпекулира дека се пар. Фановите, пак, истакнуваат дека сигурно сака помлади мажи, кога ќе се земе предвид дека и бившиот сопруг беше помал од неа.

По разводот со Џо Манганиело во 2023-та, Софија Вергара немала сериозна врска.

Но, сега се шпекулира дека е во врска со возачот на Формула 1, Луис Хамилтон.

Американскиот таблоид TMZ вчера (15.01) откри дека Софија била забележана на ручек со возачот.

Денес, пак, беа објавени и папарацо фотки од состанокот на парот.

И двајцата во лежерно издание, Софија и Луис седеа во ресторан и разговараа. Според присутни во ресторанот, биле во друштво на неколку пријатели, но најголемиот дел од времето разговарале само еден со друг.

Потоа се фотографирани додека разговараат на улица пред ресторанот, а и двајцата не ги тргаат насмевките од лицето.

Според изворите, разговорот траел мошне долго, пред Софија да си замине со својот автомобил.

Софија е 12 години постара од Луис, а ова не е првпат да покаже интерес за (многу) помлад маж.

Претходниот сопруг Џо е четири години помлад, а претходно беше свршена и со Ник Леб кој исто така е околу четири години помлад од неа.

Луис Хамилтон, од друга страна, веројатно „паѓа“ на модели.

Покрај врската со згодната Никол Шерцингер од 2007 до 2015-та, изминативе десетина години тој беше поврзуван со модели како Џиџи Хадид и Кендал Џенер.

Еден период се шпекулираше и дека имал кратка врска со Ријана, но ова не е потврдено.

Спирова С. | Црнобело