Не добиваат многу пари, но живеат како кралици: Кои правила ги следат сурогат мајките на славните?

Детали

сабота, 08 февруари 2025

Не смеат да споделат ништо на социјални мрежи без дозвола од биолошките родители, но имаат личен готвач и тренер, а добиваат и скапи подароци – како е да се биде сурогат мајка на позната личност?

Бројни славни личности се одлучуваат за сурогат мајка – некои поради проблеми со плодност, некои поради компликации со претходни бремености, а некои бидејќи сакаат да ги избегнат промените на телото кои доаѓаат со бременоста.

Последна од низата ѕвезди кои добија дете со сурогат мајка е актерката Лили Колинс, најпозната по улогата во Emily in Paris.

Покрај неа, и Ким Кардашијан, Парис Хилтон, Клои Кардашијан и Ребел Вилсон имаат добиено дете со сурогат мајка.

Идентитетот на овие жени скоро секогаш е тајност, но веруваме дека ве копка како е да се биде сурогат мајка на позната личност.

Неколку детали за сурогат мајките на славните:

Славните плаќаат многу, но сурогат мајките не добиваат огромна сума пари

Во 2017 година се дозна дека Ким Кардашијан и Канје Вест ѝ платиле 45.000 долари на нивната сурогат мајка.

Иако ова делува како мала сума за луѓе кои „тежат“ скоро милијарда долари, експерти за плодност откриваат дека цената мора да биде иста за сите.

Односно, секоја сурогат мајка добива иста сума пари, без разлика дали носи дете на позната или „обична“ личност.

Но, иако не ѝ даваат многу пари на сурогат мајката, славните сакаат посебен третман од агенциите за сурогат мајчинство, па нив им плаќаат повеќе.

Тие бараат поголема приватност бидејќи се јавни личности и сакаат максимално да се избегнат можни проблем и на агенцијата обично ѝ плаќаат околу 40.000 долари, но некогаш и повеќе.

Исто така, овде се и трошоците создавање на ембрионот, ин витро процедурата…

Севкупно, славните обично плаќаат најмногу 200.000 долари за дете од сурогат мајка.

Продолжува на следната страница...