Бурната љубов на Ким Бесинџер и Алек Болдвин: Разводот ја уништи, заради него почна со пластични операции

Битката за старателство траеше седум години

И Ким и Алек сакаа целосно старателство на ќерка им.

Од една страна, Алек тврдеше дека Ким пробува да го оддалечи од девојчето.

Ким, пак, тврдеше дека Алек сака да ѝ го контролира животот и намерно го отежнувал целиот процес.

Додека траеше битката, ќерка им живееше со Ким, а Алек ја обвини дека не му дозволувала да ја гледа.

Подоцна, во своите мемоари, Алек тврдеше дека Ким потрошила над 1,5 милиони долари за да го оддалечи од ќерка му.

„Бев во позиција на тато кој никако не можеше да стапи во контакт со своето дете… Целиот период беше кошмар“, пишува актерот.

Ким, пак, се бранеше тврдејќи дека секогаш се фокусирала само на она што е најдобро за ќерка им.

Актерката има изјавено дека Алек бил толку нестабилна личност, што било опасно често да го гледа девојчето.

Продолжија да се „оцрнуваат“ и по разводот и судската битка

На крај, тие добија заедничко старателство, но судот одреди ќерка им да живее со Ким, а Алек да има дозвола да ја посетува кога сака.

Крајот на битката за старателството не значеше крај за нивните „препукувања“.

Па, низ годините, во интервјуа, емисии, но и мемоари, и двајцата редовно се навредуваа еден со друг.

Ки има изјавено дека бракот и разводот биле мошне тешки, особено кога ќе се земе предвид дека сè се случувало пред очите на јавноста.

„Бевме токсичен пар и не знаевме како да се справиме со конфликтите“.

Алек обично е поостар во изјавите за Ким и генерално ја обвинува неа за сите проблеми.

Тој смета дека Ким самата го ставала нивниот приватен живот „на тацна“ и таа инсистирала да се караат во јавност.

„Секогаш се чувствував како да ме манипулира. Јас никогаш не сум сакал да се расправам во јавност“.

Наводно, Ким почнала со пластични операции поради разводот

Самата нема потврдено, но се шпекулира дека Ким се одлучила да оди „под нож“ поради емотивниот стрес од разводот.

Таа драстично си го промени ликот во раните 2000-ти, односно периодот кога разводот уште беше „свеж“, а според извори блиски до неа, целата драма навистина ја уништила.

Во интервју, Ким само изјави дека не ѝ се допаѓало како Холивуд ги третира актерките кои стареат, па затоа решила да си го промени ликот.

Денес се во контакт само заради ќерка им

Односот на Ким и Алек никогаш не се подобрил, но сепак се во контакт поради ќерка им.

Одамна не се скарале во јавност, но сепак држеле дистанца и максимално се избегнувале.

Погледнете и: Има опсесивно-компулсивно нарушување, првата жена го оставила заради алкохолизам - Факти за Алек Болдвин

Спирова С. | Црнобело