Биле како мумифицирани: Мистериозната смрт на актерот Џин Хакман и сопругата, кои живееја изолирани од светот

Парот заедно присуствуваше на доделувањето на Златни глобуси во 2003-та и оттогаш како да исчезнаа.

Џин Хакман се има појавено во над 70 филмови и двапати има освоено Оскар, но од 2004-та се дистанцира од филмската индустрија.

Оттогаш, актерот повремено беше забележуван со неговиот велосипед, но најголем дел од времето минуваше затворен во куќата со сопругата.

Џин има три деца од претходна сопруга, но не беше во контакт со нив.

На прашањето што прават неговите деца во животот, актерот има одговорено:

„Па, тоа е добро прашање. Не сум сигурен… Тешко е да се биде дете на славна личност“.

Актерот има изјавено дека се откажал од успешната актерска кариера најмногу поради проблемите со срцето.

Имено, лекарот му рекол дека ако се изложува на многу стрес, непотребно си го ризикува животот.

Иако своевремено беше еден од најпознатите холивудски актери, приватно Џин бил многу срамежлив.

Во ретко интервју изјави и дека има само еден услов да излезе од пензија:

„Ако можам да снимам од дома, можеби… Да работам со еден, најмногу двајца луѓе“.

Актерот отсекогаш си ја ценел приватноста, па изолираниот живот со сопругата бил совршен за него.

Тој имаше изјавено дека најмногу сакаат да гледаат комедии и нискобуџетни филови, а актерот уживал и во сликање и пишување.

Самиот никогаш не се гледал како ѕвезда и велеше дека повеќе би сакал да биде запомнет само како добар актер.

Сопругата, од друга страна, беше пијанистка и уште поретко се појавуваше во јавност.

Спирова С. | Црнобело