Биле како мумифицирани: Мистериозната смрт на актерот Џин Хакман и сопругата, кои живееја изолирани од светот

Детали

петок, 28 февруари 2025

Со години Џин Хакман (95) и сопругата Бетси Аракава (63) се криеја од јавност во нивната раскошна куќа и немаа контакт ни со децата на актерот. Неделава тие беа пронајдени мртви во нивниот дом, заедно со едно од нивните кучиња, а според надлежните, изгледале како да се мумифицирани.

Вчера (27.02) американските медиуми соопштија за смртта на актерот Џин Хакман.

Иако актерот имаше 95 години, целата трагедија е обвиена со мистерија бидејќи во куќата биле пронајдени и неговата сопруга и нивното куче, исто така мртви.

Актерот и сопругата Бетси Аракава (63) биле пронајдени мртви во средата (26.02) во нивниот дом во Ново Мексико.

Првично надлежните изјавија дека не се сомневаат во насилна смрт, но поради чудните околности, истрагата сè уште трае.

Од нивниот дом не недостасувало ништо и немало знаци на физичка пресметка.

Исто така, немало протекување на гас, што значи и труењето со гас е отфрлено како можна причина за смртта.

Надлежните соопштија дека телото на Бетси било пронајдено во една од бањите во куќата, каде имало и отворена амбалажа со апчиња.

Во бањата било пронајдено и телото на кучето.

Телото на актерот бил откриено во друга соба.

На нивниот имот имало уште две живи кучиња кои биле во сопственост на актерот и сопругата.

Влезната врата од куќата била отворена, но немало знаци за насилно влегување – нешто што дополнително ја заплеткува мистеријата.

Телата ги пронашла личност која се идентификувала како негувател на актерот.

Надлежните соопштија дека парот бил мртов неколку денови пред да биде пронајден.

Потоа, детектив кој работи на случајот сподели дека Бетси можеби била мртва долго пред актерот бидејќи нејзиното лице било отечено.

Дланките и стапалата на Бетси и Џин делувале како да се мумифицирани, односно веќе биле исушени – процес што може да настане и природно во соодветни услови, како ниска температура.

Последен пат, актерот и сопругата биле видени живи пред околу две недели.

Џин (95) и Бетси (63) се во брак повеќе од три децении, а изминативе години целосно се изолираа од светот.

Последен пат беа забележани пред една година, односно во март 2024-та.

Претходно, пак, се немаа појавено во јавност преку 20 години.

Продолжува на следната страница...