Детали за разводот на Арнолд Шварценегер и Марија Шривер: Со аферата ја уништи, одела по бајачки и манастири

Детали

вторник, 15 април 2025

Арнолд Шварценегер вели дека разводот е најголемиот неуспех во неговиот живот и се обвинува самиот, додека неговата поранешна сопруга Марија признава дека одела по бајачки, а отседнувала и во манастир за да го преболи неверството на актерот кое ја уништило - „Не бев сигурна која сум и каде припаѓам. Искрено, беше брутално и бев преплашена“.

Арнолд Шварценегер и новинарката Марија Шривер беа во брак 25 години, а се разделија поради аферата на актерот.

Во 1997 година, Арнолд спиел со нивната куќна помошничка, а таа останала бремена, но не му кажала.

Актерот дозна дека има вонбрачен син многу подоцна, а во 2011 година ова го сподели и со јавноста.

Арнолд и Марија Шривер се разделија веднаш откако тој ја призна аферата, но го финализираа разводот дури во 2021 година.

Денес Арнолд е во добар однос со вонбрачниот син Џозеф Баена, иако не е во контакт со мајка му.

За аферата не кажува многу, но ја спомна во неговата документарна серија од 2023 година – Arnold. За разводот, пак, вели дека се обвинува самиот.

„Јас згрешив. Разводот беше мој неуспех. Беше многу тешко на почетокот. Но, по некое време преболев.

Сепак, ја ценам поранешната сопруга. Добри пријатели сме и многу сме блиски, а и горди сме како ги воспитавме нашите деца. И покрај целата драма, заедно ги минуваме родендените, празниците…

Ако доделуваа Оскар за најдобро справување со развод, јас и Марија би требало да го добиеме“, изјави актерот непосредно по финализирањето на разводот.

Во друга пригода, актерот го нарече разводот најголемиот неуспех во неговиот живот.

„Сум имал лични неуспеси, но ова, без сомнение, беше најголемиот неуспех. И тоа не беше само неуспех, туку постојано си повторував дека јас сум виновен.

И, не можев да вперам прст во никој друг. Па да, бев разочаран од себе“.

Актерот додаде дека одењето на брачен советник пред да одлучат да се разведат со Марија уште толку ја искомплицирало целата ситуација.

„Тоа беше најголемата грешка. Терапевтот не ни кажа ништо, зборуваше глупости.

Терапијата воопшто не беше продуктивна за иднината на нашата врска“.

За Марија, пак, разводот бил и потежок. Во интервју од пред некоја година, таа првпат откри дека отишла во манастир кога дознала за аферата.

„Отидов во манастир, за да бидам во тишина и да побарам совет“.

Тогаш Марија спомна дека го запишала целото искуство, а неодамна ја објави и стихозбирката во која споделува повеќе детали за периодот околу разделбата.

Марија открива дека вестите за аферата дошле кратко откако ги изгубила и двајцата родители.

Тој период, таа ја изгуби и титулата прва дама на Калифорнија, бидејќи на Арнолд му заврши мандатот како гувернер на Калифорнија.

Продолжува на следната страница...