Лиам Пејн остави милиони по смртта, но не и тестамент – кој ќе го наследи богатството?

Детали

четврток, 08 мај 2025

По трагичната смрт на Лиам Пејн, се дозна дека пејачот нема оставено тестамент за неговото богатство од над 30 милиони долари. Но, во случај на смрт, ѝ дал овластување на бившата Шерил Кол, додека девојка му Кејт Кесиди веројатно нема да добие ништо.

По трагичната смрт на Лиам Пејн во октомври минатата година, се дозна дека пејачот нема оставено тестамент.

Зад себе, 31-годишниот Лиам остави богатство од околу 36 милиони долари. Откако биле исплатени неговите долгови, богатството се намалило на околу 32 милиони долари.

Иако Лиам имаше проблеми со зависност откако ја напушти групата One Direction, сепак паметно инвестирал во недвижнини и ова му помогнало да го зголеми богатството.

Сега се дозна дека иако не оставил тестамент, Лиам ѝ дал овластување за делумно управување со богатството на Шерил Кол – неговата поранешна девојка, која воедно е и мајка на неговиот осумгодишен син.

Бидејќи Лиам е Британец, според тамошните закони, парите најверојатно ќе му бидат доделени на син му Беар, кој ќе може да ги користи откако ќе стане полнолетен.

Според блиските на пејачот, уште откако се родил син му, тој се осигурил дека никогаш во животот нема да му недостасува нешто.

„Лиам многу го сакаше Беар. Па, се потруди да му даде финансиска безбедност“.

Пејачот дури и зборувал дека ако умре, сè што поседува ќе оди кај неговото единствено дете.

Блиски до Шерил Кол, пак, истакнуваат дека таа ќе ја исполни желбата на Лиам и ќе се осигури дека нивниот син ќе ги добие парите и ќе биде обезбеден за целиот живот.

Иако Шерил и Лиам се разделија уште во 2018-та, останаа во добри односи, а пејачката оттогаш не ни имала сериозна врска.

Покрај парите, се претпоставува дека син му ќе ја наследи и куќата што пејачот ја купи за да може да биде поблиску до него, како и останатите имоти што ги има купено низ годините.

Куќата беше ставена на продажба кратко пред смртта на пејачот, а по трагедијата, огласот беше тргнат.

Од друга страна, девојката на Лиам Пејн – Кејт Кесиди – веројатно нема да добие ништо, без разлика што пејачот планирал да ја запроси и да се венча со неа.

Лиам и Кејт живееја во изнајмена куќа во Флорида, што значи немаат никаков заеднички имот.

Кејт нема дадено никаков коментар за синот и бившата на Лиам, но блиските претпоставуваат дека нема да се меша во наследството.

Погледнете и: Што ѝ претходело на смртта на Лиам Пејн – Девојката го оставила сам, продуцентите му го раскинале договорот

Спирова С. | Црнобело