Бурниот љубовен живот на Брижит Бардо: Се венчала 4 пати, имала афери со над 20 мажи

Детали

недела, 01 јуни 2025

Брижит самата била виновна за трите разводи бидејќи ги изневерила сопрузите. Но, со четвртиот сопруг е во брак веќе три децении и наводно му е верна уште од првиот ден.

Брижит Бардо, иако има 90 години и долг период не е активна, уште важи за една од најпознатите жени во светот.

Животот на француската актерка, пејачка и модел е исполнет со скандали и додека денес е во среќен брак, може да се пофали и со мошне бурен љубовен живот.

Брижит застанал пред олтар вкупно четирипати, но помеѓу имала врски и афери со бројни славни мажи – најмалку 20.

Детали за бурниот љубовен живот на Брижит Бардо:

Првпат се омажила на 18 години

Првиот сопруг на Брижит е режисерот Роџер Вадим со кого се венча во 1952-ра, на 18-годишна возраст.

Роџер, кој е шест години постар од Брижит, ѝ помогна да ја лансира својата актерска кариера, но нивниот брак траеше само пет години.

Додека заедно работена на And God Created Woman, Брижит почна афера со колега од филмот – францускиот актер Жан-Луј Трентињан.

Следната година, 1957-ма, се разведе од Роџер кој, пак, вели дека не му пречело неверството.

„Знаев што се случува и како да очекував нешто такво. Отсекогаш повеќе сум сакал таква сопруга, да знам дека ми е неверна, отколку жена која ме сака само мене и никој друг.

Сакав жена со дух, жена со желба за авантура и сексуална љубопитност“, има изјавено режисерот.

По разводот со Брижит, Роџер стекна репутација на маж кој сака многу помлади жени и се венча со Џејн Фонда.

Ја продолжи аферата со колегата

Не се познати многу детали за врската на Брижит и актерот Жан-Луј.

Сепак, според автобиографската книга на актерката, биле во врска две години, па дури и живееле заедно, пред да стават крај.

Со вториот сопруг доби син

Во 1959-та, кратко по разделбата со Жан-Луј, Брижит се венча со актерот Жак Шарје.

Следната година тие добија дете, но Брижит самата има изјавено дека воопшто не сакала да стане мајка.

Вели, кога забременила била исплашена дека ќе ја изгуби фигурата, а бебето го нарекувала „тумор“ и се удирала по стомакот со надеж дека ќе го изгуби.

„Не сум создадена за да бидам мајка. Не сум доволно зрела. Знам дека е ужасно да го признаам ова, но не можам да се грижам за дете“, напиша Брижит во нејзините мемоари.

Таа и вториот сопруг се разведоа по три години заедно, и Брижит му го предаде целосното старателство над нивниот син.

Продолжува на следната страница...