Бурниот љубовен живот на Брижит Бардо: Се венчала 4 пати, имала афери со над 20 мажи

И третиот брак заврши поради афера

Во 1966 година, Брижит почна врска со германскиот милионер Гантер Закс.

„Мислев дека е прекрасен. Бев хипнотизирана… имаше ист Rolls Royce како мојот!“ – има изјавено актерката.

Таа откри и дека дента по нивниот прв состанок, Гантер пуштил илјадници рози од хеликоптер врз нејзиниот дом.

Парот се венча во Лас Вегас, по два месеца врска. Но, само неколку денови по венчавката, Брижит го изневерила со пејачот Мајк Сарн, па во 1969-та се разведоа.

Останаа во добри односи, а кратко по разводот, милионерот изјави:

„Една година со Брижит е како десет години со кој било друг“.

Прочитајте и: Своето дете го нарекувала тумор и одбивала да го дои - Што се случило со синот на Брижит Бардо?

 

Имала уште една афера додека била во брак со Германецот Гантер

Пред третиот развод, Брижит имала афера со уште еден пејач – Французинот Серж Гензбур. За неа, францускиот пејач напишал две песни, кои подоцна станаа хитови – Bonnie et Clyde и Je t’aime… moi non plus.

Сепак, Брижит побарала едната песна да не биде издадена, од почит за тогашниот сопруг.

Пејачот ја послушал, но подоцна ја снимил уште еднаш, со нова девојка и песната станала огромен хит.

Уште е во брак со четвртиот сопруг

Брижит го запознала бизнисменот Бернард Дормал во јули 1992-ра, а се венчаа во август истата година.

Наводно, врската со бизнисменот ја натерала Брижит да го подобри односот со син ѝ што го нарекувала „тумор“.

„Две недели откако се сретнавме, Брижит му се јави на син ѝ бидејќи сакаше да се запознаеме. Се договоривме да се сретнеме во Норвешка. Пред да тргнеме, Брижит ми рече ’Зошто да не се венчаме додека сме таму?‘

Па, се венчавме во Норвешка, но без да привлекуваме внимание. Јас не сум човек кој сака внимание. Само нашите најблиски знаеја“, има изјавено бизнисменот.

Три децении подоцна, Брижит и Бернард уште се заедно.

Прочитајте и: Неколкупати пробала да се самоубие, си го мразела синот: Детали за бурната младост на Брижит Бардо

Спирова С. | Црнобело