Кои се бившите на Леонардо ди Каприо (и што мислат за него)?

Детали

петок, 06 јуни 2025

Се сеќавате ли дека Леонардо беше во врска со Блејк Лајвли? А, знаете ли дека една бивша девојка има кажано дека бил „многу лош во кревет“?

Со години наназад Леонардо ди Каприо важи за „вечниот ерген“ во Холивуд, но познат е и како актер кој не сака девојки постари од 25 години.

Низ годините бил поврзуван со бројни славни жени, особено модели.

Бидејќи неговите бивши се многу на број, ние ќе ги издвоиме само девојките со кои Лео сигурно имал врска, односно кои не се само шпекулации.

Па, кои се бившите девојки на познатиот актер?

Блејк Лајвли

Можеби не се сеќавате, но во 2011-та, Блејк Лајвли и Леонардо ди Каприо беа во врска која траеше околу пет месеци. Тие немаат кажано ништо за нивната врска, иако честопати беа забележувани заедно во јавност.

Откако раскинаа, нивен познаник откри дека имале чудна навика како пар – Блејк имала некаква кукла, па каде и да одела, ја фотографирала за Лео.

На пример, ако одела во ресторан, ја фотографирала куклата во ресторанот.

„Блејк како да беше пред сите. Ова се случуваше пред Инстаграм, но таа го документираше својот живот преку фотографии, за Лео“, вели познаникот.

Жизел Бундшен

Пред бракот со Том Брејди, Жизел Бундшен беше во врска со Леонардо ди Каприо.

Подоцна самата изјави дека нивната врска била „осудена на пропаст“, но сепак има само добри зборови за актерот.

„Лео е прекрасна личност… Уште зборуваме понекогаш, а мајка му ми е добра пријателка. Многу се грижи за природата и му се восхитувам за тоа. Кога бевме заедно, бевме многу млади и заедно созревавме.

Но, не беше пишано да бидеме пар. Сепак, многу го ценам и му посакувам сè најдобро“, откри моделот пред неколку години.

Бар Рафаели

Неколку години, Леонард и Бар Рафаели беа пар и во тој период многупати раскинуваа и се смируваа. А, додека траеше ова, актерката воопшто не сакала да оди со него на црвениот тепих.

„Едноставно, не сакав да се појавувам фатена за рака со него. Не гледам причина за тоа. Не мора да позирам со него пред камерите… Никој не мора да знае како ни е приватно“.

Нина Агдал

Леонардо и моделот Нина се гледа околу една година, во периодот 2016-2017.

Ова беше една од подолгите врски на Лео, но Нина вели дека сфатила дека тој не е подготвен за нешто сериозно и затоа раскинале.

„Тој не е подготвен да се смири и мислам дека не сака да се венча, ниту пак да има деца“.

Кели Рорбах

Леонардо беше во врска со Кели Рорбах во периодот пред да почне со кампањата за конечно да освои Оскар (што на крај и го доби). На почетокот од 2016-та, кога ја доби номинацијата за улогата во The Revenant, тој ѝ раскина на Кели.

Бидејќи Кели требаше да добие улога во филмот Baywatch, се шпекулираше дека Леонардо ја оставил за да не го засени во период кога се бореше за престижната награда.

Исто така, актерот наводно не сакал луѓето да се фокусираат на неговиот љубовен живот, туку само на неговата кариера.

Сепак, извор близок до актерот тврди дека раскинале бидејќи и двајцата биле премногу зафатени за врска.

Продолжува на следната страница...