Скандалозниот љубовен живот на Деми Мур: Еден сопруг изневерила пред свадбата, друг ја терал да имаат тројки

Бракот со Брус Вилис заврши неславно

Во 1990-тие, Брус Вилис и Деми Мур беа меѓу најпознатите холивудски парови, а останаа блиски и по разводот.

Иако заедно се грижеа за трите ќерки по разводот, а денес се во добри односи, додека биле заедно, воопшто не се согласувале.

Имено, актерот очекувал таа да биде домаќинка, односно да се откаже од кариерата во период кога го достигнуваше врвот и беше најплатена актерка во Холивуд. Пробувал да ја контролира, па постојано се расправале.

Во 2000-та, по 13 години брак и три деца, Брус и Деми се разведоа. По разделбата, Деми имаше тригодишна врска со инструктор по боречки вештини, а наводно се гледала и со актерот Тоби Мегваер, вокалистот на Red Hot Chilly Peppers, како и Колин Фарел.

Ештон Кучер ја терал да имаат секс во тројка

Во 2003-та, Деми Мур почна врска со 15 години помладиот Ештон Кучер, а на почетокот го нарекуваше и нејзина сродна душа.

По две години се венчаа, но тогаш почнале и проблемите.

„Ештон стануваше сè поотсутен. Пробуваше да ме претвори во друга жена, каква што си замислува дека треба да биде негова сопруга.

Кога почна да ми кажува за фантазијата дека сака да пробаме тројка, не го одбив. Сакав да му покажам дека сум прекрасна сопруга и забавна жена“.

Сепак, актерката се чувствувала засрамено поради сексот во тројка и до денес смета дека тоа е огромна грешка. Таа верува и дека тоа што имале тројки го охрабрило Ештон да ја изневери.

Додека беа заедно, тие пробувале да добијат и дете, но Деми доживеала спонтан абортус во шестиот месец.

Во 2013 година, тие се разведоа.

Врска со маж помлад од ќерка ѝ

По третиот развод, Деми Мур почна врска со тапанарот Шон Фрајдеј. Тогаш актерката имаше 51 година, а тапанарот 27 и е помлад од ќерка ѝ Румер Вилис.

И покрај 24-годишната разлика, Деми наводно била многу среќна, а и нејзините деца биле во добар однос со партнерот.

Сепак, се разделија по околу една година заедно, односно во 2014-та.

Оттогаш Деми умешно ги крие своите партнери. Единствено во 2012-та беше забележана со готвач и сопственик на ресторан од Шведска. Но, не е познато што се случило со оваа врска.

Спирова С. | Црнобело