Џеф Безос и Лорен Санчез почнаа со свадбените прослави – „пена парти“ во Хрватска, пред да тргнат за Венеција (фото)

Детали

понеделник, 23 јуни 2025

На 27-ми јуни, Лорен Санчез и Џеф Безос ќе се венчаат, а свадбените прослави ќе траат шест дена. Тие имаат изнајмено остров во Венеција кој ќе биде затворен за јавност од 24-ти до 29-ти јуни. Во меѓувреме, локалците протестираат против свадбата и сметаат дека само ќе го влоши проблемот со премногу туристи.

Две години по свршувачката, во петок (27.06) Џеф Безос и Лорен Санчез ќе застанат пред олтар.

Свадбената прослава ќе се одржи во Венеција, на островот Свети Ѓорѓи Маџоре (San Giorgio Maggiore), а според изворите, венчавката ќе биде во познатата базилика на островот која е изградена во 16-ти век.

Милијардерот и Лорен го изнајмиле целиот остров, кој ќе биде затворен за јавност скоро цела недела – од 24-ти до 29-ти јуни.

На свадбата ќе присуствуваат нешто помалку од 200 луѓе, а се верува дека меѓу гостите ќе бидат познати личности, како Ким Кардашијан и Кети Пери, па дури и членови на семејството Трамп.

Според изворите на Daily Mail, главната прослава ќе биде организирана на огромната јахта на милијардерот, додека гостите ќе бидат сместени во некои од најлуксузните хотели во Венеција.

Не е познато колку пари потрошиле Лорен и Безос за свадбата, но неколку извори тврдат дека сумата се движи од 15 до 20 милиони долари.

61-годишниот милијардер и 55-годишната Лорен викендов беа во Хрватска со нивната јахта, а денес би требало да се упатат кон Италија.

И, според папарацо фотките, веќе почнале со прослава.

Јахтата од половина милијарда долари беше закотвена покрај брегот на отворот Црес, каде славниот пар организира „пена парти“.

Покрај младенците, на јахтата имаше и неколку нивни пријатели.

Инаку, локалците во Венеција извесен период протестираат против свадбата на Безос. Во јуни, низ градот беа излепени постери за повик на протест против свадбата.

Локалците сметаат дека Венеција веќе има проблем со премногу туристи, особено во летната сезона, а свадбата на Безос само ќе ја влоши ситуацијата.

Според еден демонстрант, богатиот пар ја третира Венеција како „сцена за фалење“, додека нивната свадба била „симбол за експлоатацијата на градот од страна на луѓе кои не се ни Италијанци“.

Друг демонстрант изјави дека тоа што властите му дозволиле на Безос да изнајми цел остров покажува дека „ја продале Венеција на тој што им понудил најмногу пари“.

Викендов низ Венеција почнале да се појавуваат и графити со натпис „Овде нема место за Безос“, на кои се гледа силуета од главата на милијардерот, со покриени очи.

Инаку, во 2023 година, надлежните открија дека ќе пробаат да го решат проблемот со премногу туристи воведувајќи посебна такса. Поставија и забрана за крузери, кои обично носат многу посетители, а се зборува и дека планираат да го ограничат бројот на туристи кои ќе можат да го видат градот.

И покрај мерките, Венеција останува една од најпопуларните туристички атракции, а локалците сметаат дека свадбата на Безос дополнително го влошува проблемот, особено кога ќе се земе предвид дека славните гости може да привлечат уште повеќе туристи.

Но, Лорен и Безос целосно ги игнорираат протестите и веќе почнаа со прославата за „свадбата на векот“.

Повеќе фотки од парот во Хрватска:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело