Забрана за телефони, „пижама парти“ со богаташи: Како помина таинствената венчавка на Џеф Безос и Лорен Санчез во Венеција?

Детали

понеделник, 30 јуни 2025

Со околу 200 гости, меѓу кои беа некои од најмоќните и најпознатите луѓе на планетата, Лорен Санчез и Џеф Безос направија тридневна свадбена прослава. Малку детали се познати за јавноста бидејќи парот бил толку таинствен, што им забраниле на гостите да носат телефон на прославите.

По тридневна прослава, Лорен Санчез и Џеф Безос ја напуштија Венеција и иако многу работи за раскошната свадба се тајни, некои детали допреа до јавност.

Парот нема споделено фотки од настанот, а наводно и на гостите им било забрането да фотографираат, па дури и да носат телефони.

Сепак, има бројни папарацо фотки, а неколку ексклузивни фотографии сподели и магазинот Vogue.

Прославата почна уште во четвртокот (26.06), но првата забава мораше да биде прекината порано поради бурата што ја зафати Венеција.

Следниот ден беше официјалната церемонија, на островот Сан Џорџо Маџоре во Венеција. Се шпекулира дека Лорен и Безос веќе се венчале во САД, а во петокот размениле прстени само церемонијално.

За венчаницата на Лорен се погрижи модниот бренд Dolce & Gabbana, а како што откриваат од Vogue, изработката траела 900 часа.

Венчаницата има корсет, долги ракави од тантела, како и многу долг вел. Беше украсена со бели цветни везови и дури 180 копчиња обложени со свила.

Безос носеше елегантен црн костум со бела кошула.

Vogue сподели неколку фотки од главната церемонија, но освен белите цветови покрај столчињата за гостите, не се забележуваат други декорации.

За свадбената вечера, Лорен променила неколку аутфити, но нема фотки.

Следниот ден, во саботата, славниот пар организирал „пижама парти“, односно забава со тема Dolce Notte (слатка ноќ).

Гостите добиле инструкции да облечат пижами или удобна, но елегантна облека „за по дома“.

За тематската забава, Лорен носеше розов фустан со корсет, а според папарацо фотките, повеќето гости навистина отишле во удобна облека.

Продолжува на следната страница...