Бред Пит го избегнува бакнежот на девојка му Инес на премиера: „Врската им е лажна, сè е само глума“ (видео)

Детали

вторник, 24 јуни 2025

Откако се појави видео на кое Бред Пит го избегнува бакнежот на девојка му Инес де Рамон, во јавноста почна да се шпекулира дека нивната врска е маркетиншки трик. Но, извори блиски до парот тврдат дека тие се пресреќни, иако не планираат да стапат во брак или да имаат деца.

Периодов Бред Пит го промовира неговиот нов филм – F1: The Movie – а на премиерите во САД и Европа се појави со својата девојка Инес де Рамон.

Досега парот избегнуваше заедно да се појавува на слични настани, без разлика што се заедно од 2022 година.

Но, на премиерите во САД и Европа, речиси и да не ги тргаа рацете еден од друг.

Покрај тоа што постојано позираа прегрнати, беа уловени и слатки моменти меѓу парот, како кога Инес му ја средуваше кошулата на Бред на премиерата во Лондон.

Но, вљубените фотки на црвениот тепих поттикнаа и низа шпекулации дека врската на Бред и Инес е само маркетиншки трик.

Иако нема некои докази што го потврдуваат ова, дел од јавноста смета дека бакнежите и прегратките се само глума.

На Твитер се споделува и видео од премиерата на новиот филм на Бред во Њујорк.

На видеото снимено на 16-ти јуни, се гледа како Инес се обидува да го бакне Бред, но тој иако тргнува кон неа, во последен миг ја врти главата и почнува да зборува со друга жена.

И, за оние кои го споделуваат видеото, ова е доволен доказ дека сепак е само глума. Некои велат и дека ова не се случило првпат, иако нема видеа од слични „инциденти“.

„Бред Пит го избегнува бакнежот на Инес… Таа мислеше дека ќе ја бакне, а тој само пробуваше да отиде на другата страна“, стои меѓу другото во описот на објават на Твитер.

Во коментари, повеќето се согласуваат:

„Инес де Рамон треба да ја напушти оваа ПР врска“.

„Каков кретен! И, ова не е првпат. Се прашувам дали оваа врска е само глума за пред јавност?“

„Бред не ја сака Инес. Иако ми се допаѓа Бред, ова однесување е неприфатливо“.

Продолжува на следната страница...