Ѝ инјектирале масло и вода наместо филер: Актерка од Мексико непрепознатлива поради деформираното лице

Детали

сабота, 05 јули 2025

Лин Меј од Мексико вели дека љубоморна пријателка ја убедила да си стави филери на лицето. Но, отишла кај непроверен козметичар кој ѝ инјектирал смеса од масло и вода поради што ѝ се деформирало лицето.

Актерката и танчарка Лин Меј останала со деформирано лице откако отишла кај непроверен козметичар. Таа мислела дека ќе ѝ стават филер, но вели дека ѝ инјектирале мешавина од масло и вода.

Лин Меј од Мексико ја почнала кариерата како танчарка, а потоа се прославила и како актерка во родната земја.

Но, некогашната убавица сега е со целосно деформирано лице поради козметичка процедура што ја направила кај непроверен козметичар.

Денес актерката има 72 години и вели дека се надева дека нејзиното искуство ќе ја зголеми свесноста за опасноста од одење кај непроверени козметичари.

Што точно ѝ се случило на Лин Меј?

Родена во 1952 година, Лин Меј почнала да работи како танчарка во родниот град Акапулко. Иако дотогаш немала никакво искуство во танцување, брзо се истакнала со талентот.

Па, успеала да се пробие и во светот на мексиканските сапуници откако добила улога во серијата Siempre en Domingo.

Оваа серија ја направила ѕвезда во Мексико, па добила понуда да се појави во популарно бурлеска шоу.

Првично на Лин ѝ било непријатно да танцува во провокативна облека, но уште при првиот настап привлекла многу внимание.

Поради успехот како танчарка, Лин почнала да добива улоги во филмовите познати како fincheras – филмски жанр кој бил хит во Мексико во 1970-тите и 1980-тите и кој е спој на еротика и комедија.

До 1990-тите, популарноста на овие филмови драстично се намалила, а со тоа се намалувала и славата на Лин.

Но, кон крајот на 20-тиот век успеала да ја оживее својата кариера како актерка и танчарка.

Овој период, Лин почнала да размислува и за козметички корекции, сакајќи да го задржи младешкиот изглед.

Сепак, има изјавено дека не била опседната со идејата за корекции, но пријателка која ѝ била љубоморна ја натерала да ја направи првата процедура.

Лин се согласила да си стави филери, но отишла кај непроверен козметичар.

Самата тврди дека ѝ инјектирале супстанца која не била проверена, а во една пригода изјави дека сигурно ѝ инјектирале мешавина од масло за готвење, бебешко масло и вода.

По процедурата, лицето на Лин почнало да отекува и останала со трајни деформации.

Оттогаш се обидела да направи низа корекции за да ја поправи штетата, но нејзиното лице сепак останало деформирано.

Како што открива самата, нашла лекар кој успеал да отстрани дел од инјектираната смеса, но ја предупредил дека може да ѝ останат голем и лузни ако отстранат уште.

Продолжува на следната страница...