Проба да ја убие, ја изневеруваше, со месеци се криеше од неа: Како Шерон Озборн го „смири“ Ози (и зошто остана со него)?

Детали

среда, 23 јули 2025

Кога ќе дознаете што сè трпела Шерон Озборн од сопругот Ози, ќе ви биде нејасно зошто останала со него. Но, таа не само што го охрабрила да се откаже од пороците, туку му давала идеи како да продолжи со работа и да заработува милиони и остана со него до самиот крај.

По долга битка со Паркинсонова болест, Ози Озборн почина на 76-годишна возраст.

Зад себе остави богато музичко наследство, но и бројни скандали што го направија и попознат од музиката што ја создаваше.

Еден од најпознатите инциденти на Ози Озборн се случи на концерт во 1982 година, кога на сцена одгриза глава од лилјак. Подоцна пејачот тврдеше дека бил пијан и мислел дека лилјакот е играчка, но штом сфатил дека е жив, го прекинал настапот за да добие вакцина против беснило.

Свесен за големината на скандалот, самиот имаше изјавено:

„На мојата надгробна плоча ќе пишува – Роден: 3-ти декември 1948. Почина: кога било. И, му одгриза глава на лилјак“.

Но, во сите скандали, подеми и падови, покрај Ози секогаш беше неговата сопруга Шерон која како да успеа да го смири бунтовниот музичар.

Детали за животот на Ози Озборн и љубовта со сопругата Шерон:

Ози Озборн бил роден во Англија, во семејство со шест деца, кое живеело во куќа која немала ни тоалет.

Бидејќи имал сериозна дислексија, која ќе му биде дијагностицирана многу подоцна, наставниците честопати го тепале за да го натераат да научи да чита.

Веројатно ова насилство донекаде е одговорно за „будењето“ на бунтовната страна на Ози, кој уште во училиште правел многу бељи.

Бидејќи не можел да чита, ниту да учи, откако наполнил 15 години тешко наоѓал работа, а кога ќе најдел, бил бркан поради кражби, но и користење дрога.

Поради кражба, Ози поминал и три месеци во затвор, но по овој инцидент, како да му се променила среќата.

Поранешен школски пријатели му кажал дека ќе прави бенд, па му понудил на Ози да биде пејач. И, ова се почетоците на Black Sabbath – бендот што ќе го направи Ози светски познат.

Иако бендот почнал да се прославува, долго време Ози и Black Sabbath не настапувале надвор од Англија. Овој период тој ја запознал и првата сопруга Телма.

Но, штом тргнале на турнеја низ САД, Ози открил потполно друга страна на животот на славните музичари.

Додека сопругата била бремена со нивното прво дете, Ози и бендот организирале забави во хотелските соби во САД со многу дрога, но и секс.

Ова продолжило во наредните неколку години, а Ози станал зависен од кокаин и хероин.

Кога сфатил дека си го загрозува здравјето, решил да се отрезни, па се вратил во Англија и купил куќа на село.

Но, обидот за рехабилитација бил неуспешен – Ози станал опседнат со оружје и постојано стрелал низ дома, па неговиот брак се распаднал. Поради проблемот со дрога и алкохол, бил избркан и од бендот.

Кога мислел дека изгубил сè, во неговиот живот се појавила Шерон Арден – ќерка на неговиот поранешен менаџер.

Продолжува на следната страница...