Се венча со порно актер, беше зависна од хероин: Тажниот живот на првата актерка што ја глумеше Венздеј Адамс

Со новата професија започнал уште побурен период од животот на Лиса – почна да користи дрога, па дури и се венча со порно актер.

Очекувано, Лиса се надевала дека третиот сопруг ќе престане да снима откако ќе се венчаат и извесен период тој се држел до ветеното.

Но, сепак продолжил да снима зад нејзиниот грб и поради ова се разделија.

Кратко пред разводот, тие гостуваа во емисија каде зборуваа за чудната динамика на нивниот брак.

„Ми беше лесно да ги снимам филмовите за возрасни. Снимав порнофилмови и имав проблем со дрога. За мене беше како афродизијак да одам дома по снимање бидејќи психички сакав да бидам само со една жена.

Пред да ја запознаам ова жена, која ми даде живот, некогаш бев многу глупав. Како да не сфаќав што имав. И, никогаш нема да ја оставам оваа жена, дури и ако таа ме напушти“.

И покрај емотивното интервју, Лиса веќе ја изгубила довербата во сопругот па во 1992-ра се разведоа.

Истата година, актерката отиде и на рехабилитација за зависност од хероин. Откако малку си го среди животот, изјави дека бракот со порно ѕвезда бил најголемата грешка што ја направила во животот.

„Не требаше да се плеткам со личност со таква професија. Тој снимаше зад мојот грб и тоа беше причина за нашата разделба“.

И покрај многуте премрежја, животот на Лиса сепак почна да се движи во нагорна линија и си најде стабилна работа во компанија за дизајн на ентериер.

Успеа да се врати во филмската индустрија и се појави во неколку филмови, а и повторно да најде љубов.

Сепак, и четвртиот брак не траеше долго – од 2003 до 2008 година.

Лиса почина во 2023-та, на 64-годишна возраст по мозочен удар. Тажната вест ја сподели нејзина блиска пријателка:

„Со голема тага ја споделувам смртта на нашата драга пријателка Лиса Лоринг. Пред четири дена имаше сериозен мозочен удар предизвикан од пушење и висок крвен притисок.

Три дена беше на животна поддршка. Вчера нејзиното семејство донесе тешка одлука поддршката да биде исклучена“.

Прочитајте и: Почнала да глуми на 8 години, стана хит меме на Твитер – Што знаеме за актерката што ја игра главната улога во „Wednesday“?

Спирова С. | Црнобело