Ја изгуби сопругата од рак на дојка, син му почина на 16 години: Тажниот живот на Џон Траволта

Беше обвинет за сексуален напад

Џон Траволта отсекогаш важел за маж кој си го сака семејството. Па, вистинско изненадување беше кога во 2018 година се соочи со обвиненија за сексуален напад.

Актерот беше тужен од анонимен 21-годишен масер кој тврдеше дека Џон имал „перверзни хомосексуални фантазии“ и наводно целосно се соблекувал пред него и му кажувал вознемирувачки работи.

Се појавија и неколку слични обвиненија, но актерот ги негираше и по некое време целата драма спласна.

Сепак, некои поранешни скиентолози кои биле блиски со актерот тврдат дека тој има и мрачна страна.

Син му почина на 16-годишна возраст

Во 2009-та, 16-годишниот син на Џон Траволта и Кели Престон почина.

Тие беа на одмор на Бахамите, кога син им доживеал епилептичен напад поради што си ја удрил главата.

Го нашле без свест и веднаш го однеле во болница, но таму ѝ подлегнал на повредата.

ПО трагедијата, актерот откри дека син му имал интензивни епилептични напади на секои пет до десет дена, кои траеле и по неколку минути.

Смртта на Џет предизвикала депресија кај актерот и Кели.

„Во животот ми се нема случен нешто полошо. Животот веќе не ме интересираше и ми требаше многу време за да се подобрам“, има изјавено Џон.

Криеше дека син му имал аутизам

Покрај епилептичните напади, починатиот син на Џон имаше и аутизам.

Актерот првпат прозборе за неговото нарушување дури по смртта, и тоа бидејќи мораше да оди на суд за изнуда на пари.

Непосредно по смртта на Џет, двајца мажи пробале да изнудат 25 милини од актерот така што му се заканувале дека ќе откријат приватни информации за син му.

Тие се заканувале дека Џон е одговорен за смртта на син му, па актерот беше присилен во судница да зборува за неговата здравствена состојба.

Неколку години подоцна, и Кели зборуваше за дијагнозата на Џет во интервју. Тогаш откри дека Џет имал и низа други здравствени проблеми.

Спирова С. | Црнобело