„Дејвид многу ’рчи, не чистам дома, летам со нискобуџетни авиокомпании“: Што откри Викторија Бекам во новиот документарец?

Нема јадено чоколадо 30 години

По битката со нарушувањето во исхраната, Викторија вели дека се храни здраво, но и како да е опседната со здрава храна.

Во документарецот, има сцена каде што Дејвид ѝ нуди чоколадо, на што Викторија вели:

„Не, благодарам. Знаеш дека немам допрено чоколадо од ’90-тите, сигурно нема да почнам сега!“

Се пожали дека Дејвид многу ’рчел навечер

Ова е детаљ што го откри во ново интервју направено како дел од промоцијата за документарецот.

Модната дизајнерка вели дека животот со Дејвид е убав, но дека не е гламурозен како што изгледа за јавноста.

„Носам тампони за уши и, да ви кажам, не е бидејќи сакам. Можеби изгледа добро, но дури и мојот сопруг ’рчи. Морам да носам тампони навечер“.

Викторија додава и дека кога се дома, исти се како и секој пар – повремено гледаат серии и слушаат поткасти.

Никогаш не чистела, но вели дека е скромна

Иако во документарецот вели дека имала проблем со трошење, во интервјуто Викторија тврди дека е генерално скромна личност.

На прашањето дали пазари во Lidl, Викторија рече дека не, но истакна дека тоа е омилената продавница на мајка ѝ.

Викторија и Дејвид имаат неколку кучиња, па дизајнерката беше прашана дали таа им го собира изметот кога ги шета.

„Секако дека да! Многу мразам кога луѓето не го собираат и го оставаат низ парк, ужасно е“, сподели Викторија.

Иако приватните авиони се норма за богатите, Викторија вели дека честопати летала со нискобуџетни авиокомпании како Ryanair.

Таа додава и дека со години не чистела дома не бидејќи не сака, туку бидејќи Дејвид не ѝ дозволувал.

„Не сум чистела многу, многу години. Дејвид, ’господин чист‘, сака да чисти“.

Прочитајте и: Викторија Бекам ја „соголи“ душата во документарец: „Ме мереа колку сум ослабела по раѓањето на Бруклин во емисија во живо“

Спирова С. | Црнобело