Неверство, тепачка во лифт: Скандалозната љубов на Бијонсе и Џеј Зи (и зошто уште се заедно)

Бијонсе напиша цел албум за неверствата на Џеј Зи

Во 2016 година, без никаква промоција, Бијонсе го издаде албумот Lemonade. И, во песните потврдува дека Џеј Зи ја изневерувал, најверојатно пред да се венчаат.

Откако го издаде албумот, Бијонсе се појави сама на неколку настани, како Мет галата, па се шпекулираше дека ќе се разведуваат.

Следната година, и Џеј Зи се огласи за аферата:

„Знаете, повеќето луѓе би си заминале. Најтешкото нешто е на нечие лице да ја видите болката што вие сте ја предизвикале, а потоа да се справите со себе.

Повеќето луѓе не го сакаат тоа. Не сакаат да погледнат во себе. Па, си заминуваат.

Со Бијонсе почнавме да ја користиме нашата уметност како терапија. Почнавме заедно да правиме музика и таа работеше на свои дела.

Па, го издаде нејзиниот албум, наместо заедничкиот на којшто работевме“.

И покрај драмата, во 2017 година, Бијонсе и Џеј Зи открија дека очекуваат близнаци – Руми и Сер.

Џеј Зи се соочи со обвиненија за силување

По скандалот со неверството, Џеј Зи и Бијонсе уште повеќе ја криеја својата приватност, а и никој не ги притискаше да споделат нешто.

Но, кога се појавија обвиненијата против Пи Диди, Џеј Зи и Бијонсе повторно се најдоа во фокус поради нивното долгогодишно пријателство со музичарот.

Додека траеше судењето на Диди, и Џеј Зи се соочи со обвинение дека силувал 13-годишно девојче заедно со музичарот.

Наводно, инцидентот се случил на забава по доделувањето на MTV VMA во 2000 година.

Џеј Зи возврати на обвинението и побара да биде откриен идентитетот на жртвата. Изјави и дека неговиот адвокат бил уценуван и дека некој само сака да го намести.

Во својата изјава, раперот го спомна и семејството:

„Срцето ми скрши за моето семејство. Јас и сопругата треба да разговараме со нашите деца, од кои едно е на возраст кога нејзините пријателки ќе видат што се пишува и ќе ја прашуваат за овие обвиненија…

Децата не треба да се справуваат со ова на толку рана возраст“.

На почетокот од 2025-та, тужбата против Џеј Зи беше повлечена.

Денес пробуваат да се држат настрана од јавност

Освен на важни настани, како доделување на награди, Џеј Зи и Бијонсе како да бегаат од будните очи на јавноста.

Тие беа и на роденденската забава на Крис Џенер, но за да им избегаат на папараците, наводно влегле од заден дел на куќата.

Иако се таинствени, остануваат да важат за можеби најмоќниот пар во музичката индустрија, па сигурно не планираат да си ја уништат империјата за неколку афери и недокажани обвиненија.

Спирова С. | Црнобело