Почина актерката Брижит Бардо на 91-годишна возраст

Детали

недела, 28 декември 2025

Брижит Бардо, која во 1970-тите се пензионира за да се посвети на својата фондација за заштита на животните, почина на 91-годишна возраст. Последните години од животот ги помина изолирана од јавноста, а засега не е позната причината за смртта.

Брижит Бардо, една од најпознатите француски актерки, почина на 91-годишна возраст.

Според локалните медиуми, актерката престојувала во болница во францускиот град Тулон, а тажните вести беа потврдени од нејзината добротворна организација за права на животните.

„Фондацијата Брижит Бардо со голема тага ја соопштува смртта на основачот и претседателот на организацијата, мадам Брижит Бардо, светски реномирана актерка и пејачка, која одлучи да ја напушти нејзината престижна кариера за да ги посвети нејзините живот и енергија на доброто на животните и нејзината фондација“.

Од фондацијата не открија каде или кога починала Брижит.

Во 1950-тите и 1960-тите Брижит Бардо важеше за секс симбол и беше меѓу најпознатите актерки во светот. Но, во 1973-та реши да се пензионира и целосно да се фокусира на активизмот за заштита на животните.

Последните години од животот ги помина изолирана од јавност, во нејзиниот дом во Сен Тропе.

Се венча четирипати, а со последниот сопруг, Бернард, стапи во брак во 1992-ра.

Актерката има син, но јавно зборуваше за тоа дека не сака да биде мајка, па скоро целиот живот речиси и да немаше контакт со него.

Засега не е позната причината за смртта.

Прочитајте и: Неколкупати пробала да се самоубие, си го мразела синот: Детали за бурната младост на Брижит Бардо

Спирова С. | Црнобело