Дедо милијардер, баба модел: Што знаеме за „новото семејство“ на Бруклин Бекам?

Детали

четврток, 22 јануари 2026

Откако го влоши односот со Дејви и Викторија, родителите на Никола Пелц како да станаа новото семејство на Бруклин. Тој ги поминува празниците со нив, а се претпоставува дека добива и огромна финансиска помош од таткото на Никола кој е милијардер.

Изгледа дека Бруклин Бекам никогаш нема да го подобри односот со неговите родители.

Но, затоа, пак, како да има ново семејство – родителите, но и браќата и сестрата на неговата сопруга Никола Пелц.

Што знаеме за неговото „ново семејство“?

Нелсон Пелц – таткото на Никола

Роден во 1940-тите во Њујорк, Нелсон е таткото милијардер на Никола.

Се отпишал од факултет за да стане инструктор по скијање, пред да почне да работи во фирмата на дедо му – A. Peltz & Sons.

Дедо му имал бизнис за дистрибуција на храна, а Нелсон, заедно со неговиот брат, успеал да го претвори во компанија со профит од над 100 милиони долари.

Потоа, Нелсон и брат му купиле поглем дел од акциите во друг бизнис кој го трансформирале во една од најголемите компании за пакување храна.

На сличен начин Нелсон разработил и за други бизниси и денес неговото богатство се проценува на 1,6 милијарди долари.

Клаудија Хефнер Пелц – мајката на Никола

Клаудија е родена во Балтимор, а потекнува од релативно скромно семејство.

Во 1970-тите почнала да работи како модел и откако успеала да се пробие, соработувала со магазини како Vogue и Harper’s Bazaar, но и со брендови како Calvin Klein и Chanel.

Во 1985 година се венчала со Нелсон, по што се откажала од кариерата како модел и се посветила на филантропијата.

Со сопругот имаат основано добротворна организација преку која нудат поддршка за образованието, здравството и развојот на младите.

Истовремено, Клаудија целосно се посветила и на семејството.

Седумте браќа и сестри на Никола

Династијата Пелц има дури осум деца. Покрај Никола, нејзините родители ги имаат добиено Метју, Вил, Бред, Британи, Дизел, Закари и Грегори.

Нелсон има и две деца од првата сопруга со која бил во брак од 1964 до 1981 година.

Тројца браќа на Никола се хокеј играчи, сестра ѝ Британи е дизајнерка на ентериер, додека едниот брат работи во технолошката индустрија, а другиот во една од компаниите на татко ѝ.

Никола има и брат кој пробува да се пробие како актер, исто како неа.

Бруклин Бекам – новиот член на семејството

Веднаш по венчавката, семејството на Никола јасно покажа дека Бруклин е добредојден како нов член.

Откако тој го влоши односот со Дејвид и Викторија, родителите на Никола како да ја презедоа целата грижа за него.

Сега, наместо со своите родители, Бруклин ги слави најважните празници со Никола и нејзиното семејство.

Во август 2025-та, пак, таткото на Никола ја водеше и церемонијата за нивото обновување на заветите.

Бруклин не е близок само со родители на Никола – честопати е забележуван и со нејзините браќа и сестра.

Спирова С. | Црнобело