Никој не го мрази Twilight колку него, тежок е за соработка: Факти за Роберт Патинсон

Детали

сабота, 11 април 2026

„Се чувствував како да читам нејзина сексуална фантазија. На пример, некои работи за Едвард се премногу специфични. Си помислив ’Женава е луда, се заљубила во нејзината фиктивна креација‘. И, се чувствував непријатно додека го читав ова“, има изјавено Роберт Патинсон за серијалот Twilight.

Првата поважна улога на Роберт Патинсон беше во Harry Potter and the Goblet of Fire што му помогна колку-толку да се пробие.

Но, стекна светска слава благодарение на адаптацијата на серијалот Twilight.

Оттогаш многупати покажал дека е навистина талентиран актер кој може да се снајде во скоро секаква улога.

Неколку факти за Роберт Патинсон што можеби не сте ги знаеле:

Страдал од депресија и анксиозност

Актерот самиот има откриено дека страдал од депресија и му било страв да побара помош.

Иако денес важи за еден од најдобрите холивудски актери, вели дека на почетокот од кариерата имал и панични напади пред секоја аудиција.

„Анксиозноста буквално ме парализираше… не можев да правам ништо“, има изјавено во интервју.

Страдал и од телесна дисморфија

Кога излезе првиот филм од серијалот Twilight, Роберт Патинсон преку ноќ стана миленик на тинејџерките.

И, до денес си ја заржа репутацијата на згоден актер кој изгледа добро.

Но, тој вели дека страда од телесна дисморфија, па секое одење црвен тепих му е висински кошмар, барем додека да стигне на настанот.

„Многу сум анксиозен, до моментот кога излегувам од автомобил на настанот и тогаш, одеднаш, анксиозноста исчезнува. Но, до тој момент, телесната дисморфија ми создава пресилна анксиозност“.

Тој има зборувано и за тоа дека му е чудно што многумина го сметаат за привлечен.

„Навистина е чудно бидејќи откако се прославив постојано мислев на тоа да изгледам добро. Претходно, искрено, не ни ми беше гајле“.

Тешко го преболе јавното раскинување со Кристен Стјуарт

Додека работеа на серијалот Twilight, Кристен Стјуарт и Роберт Патинсон почнаа врска и брзо станаа омилениот славен пар.

Но, во 2012 година, Кристин беше фотографирана како се бакнува со режисерот Руперт Сандерс.

Актерката се извини јавно, но, очекувано, Роберт стави крај на врската набрзо потоа.

Уште полошо за актерот беше што сето ова се случи неколку месеци пред премиерата на последното продолжение од Twilight.

Иако денес ова поглавје од животот е зад него, извори блиски до него велат дека му било неподносливо да оди на премиери и настани со Кристен по такво јавно раскинување.

Самиот, пак, има изјавено дека му било особено тешко и тоа што сите го прашувале за Кристен.

Продолжува на следната страница...