Бизарна теорија на заговор за чудниот изглед на Џим Кери во Париз: „Го замениле со клон, знаеше премногу“

Детали

понеделник, 02 март 2026

„Изморен сум од тајните и лагите. Ова е тајниот симбол на Илуминатите, а ти си дел од нив“, му рече Џим Кери на Џими Кимел во неговото шоу, а набрзо потоа неговата девојка изврши самоубиство. За дел од јавноста, оваа трагедија е доказ дека Џим Кери сакал да открие тајни за елитата во Холивуд, па затоа го убиле и го замениле со клон.

Минатата недела се одржа доделувањето на César Awards во Париз.

На доделувањето на наградите, кои ги нарекуваат и „француски Оскари“, се појави Џим Кери кој доби почесна награда за неговиот придонес во филмската индустрија.

Кога ја прифаќаше наградата, актерот одржа емотивен говор во кој се присети на неговиот покоен татко.

„Сакам да му дадам признание на мојот татко. Татко ми беше личност која ако ја знаевте само пет минути, ќе се чувствувате како да сте го познавале 50 години…

Се заблагодарувам на најсмешниот човек што некогаш сум го познавал, мојот татко Перси Џозеф Кери, кој ме научи на вредноста на љубовта, дарежливоста и смеата.

Ако сакате среќата да ви се насмевне, треба прво вие да ѝ се насмевнете неа. Многу е тешко, но мораме да се обидеме“.

Тој спомна и дека пред триста години, негов далечен предок потекнувал од Франција, но се преселил во Канада. Па, со оваа почест во Франција, актерот се чувствувал како да го „затворил кругот“.

„Можеби моето семејство го барало токму тоа“, додаде 64-годишноит актер.

Но, наместо емотивниот говор, друг детаљ го привлече вниманието на јавноста – чудниот изглед на Џим Кери.

Актерот се појави на настанот со црн костум, косата му беше долга и пуштена, но неговото лице изгледаше малку чудно, дури непрепознатливо.

Џим Кери се повлече од јавниот живот и извесен период се немаше појавено во јавност, па некои велат дека само е малку остарен.

Сепак, други сметаат дека направил лош третман за подмладување, но некои одат дотаму што се сигурни дека на настанот се појавил двојник на актерот, а не тој.

„Сигурно има направено многу процедури и операции на лицето. Изгледа многу поразлично“.

„Не сум личност која верува во теории на заговор, но тоа не е Џим Кери“.

„Мислам дека треба да му даде отказ на пластичниот хирург и да го побара докторот на Крис Џенер“.

На социјалните мрежи некои објавуваат видеа во кои прават споредби од постари фотки и снимки од актерот како „доказ“ дека не е тој.

Има и многу полуди теории според кои актерот е убиен бидејќи многупати во јавност ја има исмејувано и критикувано елитата во Холивуд.

Некои веруваат дека „знаел премногу“ и се заканувал дека ќе ја открие вистината, па затоа го „елиминирале“.

Дел од јавноста го спомнува и самоубиството на неговата девојка Катриона Вајт од 2015 година.

Пред нејзината трагична смрт, Џим Кери гостуваше во шоуто на Џими Кимел каде што го правеше „знакот на Илуминатите“.

Продолжува на следната страница...