Му се меша во врските, тој ја носи бурмата на татко му: Чудниот однос на Бредли Купер и мајка му Глорија

Девојките на Бредли мора да ја сакаат мајка му

Имаше безброј шпекулации за врската на Бредли Купер и Ирина Шајк, а тие мошне добро си ја чуваа приватноста. Имаше гласини и дека Бредли ја изневерувал Ирина.

Но, можеби најлудата теорија е дека тие раскинале поради мајката на Бредли.

Во 2016 година, извор тврдеше дека Ирина се скарала со мајка му за време на божиќните празници.

Наводно, Ирина сакала да живеат заедно со Бредли, но тој сакал со нив да живее и мајка му. Па, кога се скарале, актерот и моделот раскинале.

Сепак, постојат извори кои тврдат дека Ирина всушност била многу блиска со Глорија и сите други гласини се само лага.

Во секој случај, јасно е дека прв услов што партнерките на Бредли треба да го исполнуваат е да се во добар однос со мајка му.

Мајка му сакала веднаш да ги запознава неговите девојки

Повеќето луѓе чекаат врската да стане сериозна пред да го запознаат партнерот со родителите.

Но, наводно, мајката на Бредли Купер сакала да е во тек со љубовниот живот на актерот, па инсистирала порано да ги запознава неговите девојки.

На пример, Ирина Шајк ја запознала Глорија неполни три месеци откако ја почнале врската.

И Џиџи Хадид беше фотографирана на вечра со Бредли и мајка му кратко откако јавноста дозна за нивната врска.

Некогаш му се мешала во врските

Мајката на Бредли Купер е толку вклучена во неговиот живот, што некогаш тој раскинувал со девојки заради неа.

Според некои извори, мајка му претставувала голема пречка во врската на актерот со Зои Салдана и раскинале токму поради неа.

Кога актерите одлучија да ѝ дадат уште една шанса на врската, мајка му повторно се вмешала. Бидејќи не успеала да се зближи со Зои, го посоветувала Бредли дека треба да раскинат. И, ја послушал

„Кога Зои и Бредли повторно почнаа да зборуваат, мајка му му рече дека нивната врска веќе се покажа како неуспешна, па нема поента повторно да зборува со неа“, вели извор близок до актерот.

Спирова С. | Црнобело