Не сака ни партнер ни деца, живее изолирано во замок со 12 мачки: Се сеќавате на ирската пејачка Ења?

Детали

сабота, 28 март 2026

Ирската пејачка Ења (Enya) стекна светска слава со хитовите како Only Time и Caribbean Blue. Но, и покрај огромниот професионален успех, Ења се држи настрана од јавност и живее во замок во Ирска со нејзините мачки, а и самата признава дека била „мрачна и тешка личност“.

Ако името Ења (Enya) не ви звучи познато, сигурни сме дека ќе ги препознаете песните Only Time или Caribbean Blue.

Ирската пејачка Ења важи за еден од најпродаваните музички артисти, а бројни популарни пејачки имаат изјавено дека токму таа им била инспирација.

64-годишната Ења има освоено четири Греми награди од вкупно девет номинации, а во 2002 година, нејзина песна беше номинирана и за Оскар.

И покрај огромната популарност што ја имаше во раните 2000-ти, Ења одлучи да се повлече од јавниот живот, па сега живее сама, во замок, со нејзините 12 мачки. Таа нема сопруг, ниту партнер, а нема ни деца.

Замокот на Ења е лоциран во јужниот дел на Даблин, со поглед на Ирското Море.

Пејачката го купи во 1997 година, по цена од околу 3 милиони долари и оттогаш го нарекува свој дом.

Најблизок сосед ѝ е пејачот Боно Вокс од U2, за што Ења се има шегувано дека доаѓал до кај неа за да позајми шеќер.

Во ретко интервју, Ења и откри некој детаљ за нејзиниот дом.

„Однадвор изгледа како замок, но внатре е како вистински дом. Впрочем, ова е многу мал замок и се вљубив во него“.

Родена во Ирска, Ења потекнува од семејство со девет деца.

Уште од најрана возраст покажала љубов кон музика, поточно пеење и свирење пијано, а кариерата ја почнала во локална музичка група.

Во 1987 година ја издаде песната Orinoco Flow (Sail Away), која веруваме дека ја знаете, и ова ја направи ѕвезда преку ноќ.

Ења отсекогаш била личност која си ја цени приватноста, па се појавуваше во јавност само за да промовира нов албум.

Нејзините настапи во живо беа вистинска реткост, а сега е практично невозможно некој да ја убеди да излезе на сцена.

Продолжува на следната страница...