Не излегува од дома, била „заглавена“ во скиентолошката црква: Тајниот живот на ќерката на Џон Траволта

Впрочем, и мајката на Ела беше скиентолог, додека Џон Траволта е еден од најистакнатите членови.

За ова има зборувано и Џој Вила – американска пејачка која беше дел од црквата, но потоа ја напушти, нарекувајќи ја „сатанистичка“.

„Ела е заглавена во скиентологијата бидејќи следбениците веруваат дека ако ја напуштат црквата, ќе бидат отстранети од животот на сите блиски и ќе бидат напуштени во ’злобниот‘ надворешен свет“, има изјавено пејачката.

Пејачката вели дека ја запознала Ела кога имала само 13 години, а ја опишува како срамежлива и интровертна девојка.

Повторно имала можност да ја види на 16-годишна возраст, а тогаш вели дека била мошне грациозна тинејџерка со многу добри манири.

Џон честопати ги посетувал просториите на црквата со ќерка му, па јасно е дека и таа е скиентолог.

„Џон и Ела се скиентолози, но ретко зборуваат за тоа во јавност. Всушност, ретко зборуваат за тоа и надвор од црквата.

И двајцата велат дека скиентологијата им помогнала во навистина тешки период. Немаат кажано многу други работи“.

Сепак, иако Ела можеби се изолира, извор вели дека Џон ѝ го мисли само најдоброто.

„Џон е еден од најзаштитнички настроените татковци што сум ги видел. Во животот изгубил многу, па вистински ги чува Ела и Бен.

Не ги задушува, но тие се центарот на неговиот свет. Нивната врска е нешто навистина посебно, убаво и необично“.

Актерот сакал да ја заштити ќерка си и од јавноста и славата бидејќи по 50 години во индустријата, свесен е за последиците.

„Ела е ќерка на еден од најпознатите актери во светот, па има некои работи за кои таа и татко ѝ треба да бидат внимателни“.

Малку се знае за љубовниот живот на Ела, а изворот открива дека Џон не пробувал да ја контролира.

„Џон не очекува Ела да бара дозвола ако сака да оди на состанок. Но, не ни оди на многу состаноци. Кога сепак оди, самата сака да го праша Џон“.

Друг извор, пак, вели дека не е точно дека Ела е ограничена поради скиентологијата, како и дека црквата не го диктирала нејзиниот живот.

„Ела се справува со голема загуба и посветена е на тоа да стане подобра личност и да биде подобра во нејзината професија.

Таа знае што сака и за разлика од многу други деца на славни личности, не се однесува како нив“.

Спирова С. | Црнобело