Канје Вест прослави 49-ти роденден со бизарен маскенбал во Версајскиот дворец - тој во „садо-мазо“ костим, Бјанка со пердуви на гениталиите (фото)

Детали

понеделник, 29 јуни 2026

По повод 49-тиот роденден, Канје Вест организира маскенбал во Версајскиот дворец за кој одвоил дури половина милион евра. Тој беше целосно скриен во црн костим, додека Бјанка носеше боди со корсет и пердуви на гениталиите. Некои од гостите имаа навистина чудни маски, како кадифена глава од куче.

На 8-ми јуни Канје Вест наполни 49 години, а роденденот го прослави викендов во Франција, и тоа во Версајскиот дворец.

Раперот организирал маскенбал во историската палата за 20-тина пријатели, а овде беше и неговата сопруга, Бјанка Сенсори.

Иако на маскенбал се очекува гостите да бидат маскирани, Канје, Бјанка, но и другите присутни изгледаат и по малку морничаво.

За прославата, раперот беше облечен во црн костим со гумени чизми и панталони од латекс, а главата целосно му беше покриена со црна маска. Носеше и црни ракавици.

Бјанка, пак, носеше тесен корсет со долго здолниште, а на главата носеше украс кој ѝ го покрива целото лице.

На дел од фотките таа позира без здолништето и се гледа дека корсетот е всушност боди, украсено со пердуви во областа на гениталиите.

Останатите гости имаат костими главно инспирирани од француската аристократија, но има и по некој навистина бизарен костим.

На групната фотографија се гледа дека еден гостин носи чудна маска која личи како глава на волк.

Во заднина се гледа и маска која личи на глава од зајак.

По забавата во Версајскиот дворец, гостите продолжиле во луксузен хотел кој се наоѓал во непосредна близина.

Претходно Канје и Бјанка го прославија роденденот сами, во ресторан во Амстердам.

За разлика од вообичаените разголени изданија, овој пат Бјанка носеше фустан кој ѝ го откриваше единствено деколтето.

Дури и нозете ѝ беа покриени со бели сатенски чорапи.

Канје и Бјанка се венчаа во тајност во 2022 година и веднаш почнаа да привлекуваат внимание поради чудните изданија на архитектката.

Стана јасно дека се подготвени да одат во крајности кога Бјанка се појави потполно гола на Греми наградите во 2025 година.

Продолжува на следната страница...