Го држи за рака, ја гледа вљубено: Никол Кидман на одмор во Италија со богат бизнисмен, неполна година по разводот (фото)

Детали

понеделник, 27 јули 2026

Месецов Никол Кидман беше на одмор во Портофино, Италија и иако отишла со нејзините ќерки, голем дел од времето помина во друштво на богат бизнисмен. На папарацо фотките, актерката не ја тргна насмевката од лицето додека ужива во миговите со новиот партнер.

Неполна година по разводот од Кит Урбан, се чини дека Никол Кидман повторно пронајде љубов.

Актерката, која поднесе барање за развод по цели 19 години брак, неодамна уживаше во Италија во друштво на богат бизнисмен.

59-годишната актерка првпат беше фотографирана со бизнисменот Мајкл Рајнштајн на 18-ти јули, пред нејзината хотелска соба во Портофино.

Никол беше во лежерно издание, во сатенски комплет и иако не споделија бакнеж со бизнисменот, на фотките сепак делува како да се пар.

Неколку денови подоцна, тие беа фотографирани и покрај базенот на хотелот во Портофино.

И овој пат се воздржуваа од разменување нежности, но од фотките е јасно дека уживаат во заедничките мигови – и двајцата постојано беа насмеани, а во еден миг бизнисменот ја фати Никол за рака.

На една од фотките Никол си го крие лицето со шешир, а богаташот како да пробува да ѝ го тргне.

Според Daily Mail, Никол отишла во Италија со нејзините ќерки што ги доби од бракот со Кит Урбан, а таму им се придружил и бизнисменот.

Извор близок до актерката сподели дека моментално таа се фокусирала на тоа да најде среќа по разводот.

„Никол не ни помислуваше дека нејзиниот брак ќе се растури и го дава најдоброто од себе да го задржи семејството заедно.

Нејзините ќерки ѝ се најдобрите пријателки и засега изгледа навистина среќно“.

Изворот додава и дека актерката пробува да ја заштити својата приватност, па мали се шансите дека ќе открие нешто за нејзината нова љубов.

Но, американските медиуми веќе успеаја да „ископаат“ детали за избраникот на Никол.

Мајкл потекнува од Лос Анџелес, каде што живее и денес, а има завршено правен факултет.

Во 2003 година отворил своја телевизија, а потоа основал и инвестициска компанија.

Неговата компанија има канцеларии во 65 држави и има над 40.000 вработени, а неговото богатство се проценува на околу 250 милиони долари.

Продолжува на следната страница...