Ријана низ солзи го раскажа минатото со Крис

Детали

понеделник, 20 август 2012

После многу шпекулации и озборувања околу врска и блискоста на Ријана и Крис, конечно признание. Во шоуто на Опра, Ријана низ солзи го објаснувала текот на нивната врска, прекинот и периодот на повторно зближување.

На големиот број на шпекулации за нивната повторна врска, Ријана објасни дека е во контакт со Крис меѓутоа овој пат само како пријатели, иако подоцна ги призна своите чувства кон него.

„Работиме на односот на пријателство, и тоа нема да се промени. Сега сме навистина блиски пријатели. Да, чудно е, бидејќи се уште го сакам. Се уште го имам она чуство кога за прв пат се заљубуваш, меѓутоа ќе морам да го потиснам. Кога не можеш да разбереш што чувствуваш можеш да направиш многу грешки” – со солзи раскажала ѕвездата од која никогаш не се очекуваше ваква емотивна изјава.

Спротивно на сите забави и нејзини лудории, Ријана покажа дека е само заљубена девојка која не знае како да се справи со таа љубов.

„Мислам дека тој е љубовта на мојот живот. Тој беше моја прва љубов” беше последната нејзина  изјава на која многумина подзинаа.

Изгледа голем дел од фановите се разочарани од најновото нејзино интервју, бидејќи никој не мисли дека зближувањето со Крис е помалку опасно од минатиот пат.