Џенифер Анистон е трудна?

Детали

среда, 29 август 2012

Актерката сè уште не се огласила за веридбата и наводната бременост, но нејзината мајка се радува што ќе стане баба, пренесуваат американски медиуми.

Џенифер Анистон и актерот Џастин Теро неодамна се верија, и покрај кусото соопштение дека се пресреќни, во јавноста не објавија детали за свадбата и за идниот заеднички живот.

Американските медиуми пишуваат дека Џенифер е трудна, а тој трач дојде од нејзината мајка Ненси Доу, со која актерката не е во добри односи подолго време.

„Ненси на сите им раскажа дека Џенифер е трудна, и пресреќна е што ќе стане баба“, вели извор близок на Доу.

На врвот на актерската кариера на Џенифер, Доу даде едно компромитирачко интервју и подоцна животот на Џенифер го опиша во книгата „Од мајката и ќерката до `Пријатели`: Мемоари“.

Анистон тогаш рече дека мајка и станала `последна честичка болест` во нејзиниот живот и не ја покани на венчавката со Бред Пит во 2000 година.

Двете ги изгладија односите минатата година кога Ненси доживеа мозочен удар.

29.08.2012 (Макфакс)