Ова е новото момче на Ева Лонгорија (фото)

Детали

понеделник, 18 ноември 2013

Ева Лонгорија за прв пат јавно и официјално го покажа своето ново момче. 38 годишната актерка има бурен љубовен живот и во изминативе неколку месеци беше поврзувана со десетици мажи, но во петокот конечно ги разби сите гласини.

Официјално, Ева е во врска со 45-годишниот бизнисмен Хосе Антонио Бастон со кој се појави на отворањето на еден луксузен ресторан во Мексико Сити.

„Хосе е вистински џентлмен и точно знае како да ме изненади,“ изјавила Ева за медиумите.

Во последните неколку месеци Ева и Хосе беа повеќе пати видени заедно, но во петокот тие го имаа своето прво јавно појавување, на кое изгледаа беспрекорно.