Новак Ѓоковиќ и Јелена Ристиќ ќе се венчаат скромно и со малку гости

Детали

петок, 16 мај 2014

Иако нивната венчавка ја очекува целиот свет, сепак тие одлучиле да направат скромна и едноставна церемонија, само со најблиските членови од семејството и кумовите. За жал ќе изостанат сите светски ѕвезди кои очекуваа дека ќе добијат покани.

Идните младенци сакаат интимна атмосфера, без типична голема православна свадба со над 100 гости, како што е вообичаено во Србија.

Големиот датум ќе биде во јули и ќе се одбележи во Црна Гора на Св. Стефан.

На почетокот се шпекулираше дека на нивната свадба ќе пее Здравко Чолиќ, но не успеале да се договорат. Следен на листата, но сè уште неизвесен е српскиот пејач Мирослав Илиќ, кој со задоволство би прифатил, доколку тоа му биде побарано.

Од она што се дознава во врска со приновата која ја очекуваат е тоа дека семејството Ѓоковиќ, посакуваат женска наследничка.

Новак и Јелена веќе одамна се подготвуваат за она што ги очекува, а досега тој неколку пати изјавува дека едвај чека да му менува пелени на бебето и верува дека новото нешто во нивниот живот ќе биде она што уште повеќе ќе го мотивира за да постигнува поголеми резултати на тениските терени.