Некои знаат кога е доста: Ова се најдобрите пластични операции во Холивуд

Детали

понеделник, 07 јули 2014

Многумина ја користат пластичната хирургија која им помага за да ги скријат недостатоците или да променат некој дел од својот надворешен изглед. Додека некои претеруваат и престануваат да личат на себе, некои од холивудските ѕвезди точно знаат кога да запрат и да го задржат она што треба.

Тие само минимално ги менуваат недостатоците, ги истакнуваат убавите црти и знаат како да се носат со тоа за воопшто да не се забележи дека нешто менувале.

Ова се дел од најуспешните пластични операции на холивудските дами:

Скарлет Јохансон

Скарлет е совршен пример која како помлада имала поголем и подуен нос, на кој направила минимална корекција со тоа што не му го сменила целосно изгледот туку само го намалила. Така, ги задржала цртите, а има нос кој ја прави уште поубава.

Лејди Гага

Повеќепати изјавила дека нема никогаш да направи пластична операција, но очигледно е дека тоа го направила. Нејзиниот нос е значително помал денес во однос на тоа како ѝ бил пред неколку години. Сепак, промената не е доволно голема за да изгледа вештачки или неприродно.

Џенифер Лопез

Уште една славна ѕвезда која имала проблем со носот, но и таа одлично се справила. Нејзиниот мал, совршен и прчест нос изгледа совршено природно и одлично се вклопува на нејзините црти на лицето. Кој не се сеќава како изгледала на почетокот на кариерата, нема ни да забележи дека направила операција. Не е родена со совршен нос, но знаела колку е доволно добро.

Џенифер Анистон

Поголема промена на носот се забележува кај Џенифер Анистон . Таа дури двапати го оперирала носот за да го постигне она што го наумила. Но, успеала да остане умерена и тоа да изгледа сосем природно.

Блек Лајвли

Како тинејџерка имала прилично голем и месест нос. Иако со операцијата направила навистина голема разлика, тоа очигледно го направил врвен хирург, бидејќи и новиот нос одлично се вклопува на нејзините црти на лицето. Изгледа потполно природно и убаво.

Кејт Хадсон

Русокосата глумица има природно мали гради што може да се види од нејзините поранешни фотографии. Таа одлучила со помош на хирург да направи промена во 2009 година и да вгради силикони, но тоа го направила сосем незабележливо и без драстична разлика за да не изгледа вештачки и пластично.