Марко Јариќ за разводот со Адријана Лима: Секогаш ќе ја поддржувам

Детали

четврток, 30 април 2015

Откако го потврдија својот развод, српскиот кошаркар Марко Јариќ и бразилскиот топ модел Адријана Лима повеќе пати беа видени заедно, најчесто во друштво на своите 2 ќерки.

По неколку месеци раздвоен живот, Марко Јариќ за прв пат јавно кажа што мисли за односот со Лима.

„Најважно ми е со Адријана да имам супер однос. Секогаш ќе ја поддржувам во сè.“

Адријана и Марко се разведоа по 5 години брак, во кои ги имаат ќерките Сиена и Валентина.

„Се надевам дека не го чувствуваат нашиот развод. Мислам дека тоа го направивме во последен момент пред тие да влезат во годините кога ќе разберат дека веќе не сме во брак.“

„Не ги размазив девојчињата. Се трудам да им дадам колку повеќе љубов можам, но сум неверојатно строг. Верувам дека детството нема да им биде лесно, затоа што се деца на најубавата жена во светот и успешен спортист. Не толку заради мене, колку заради Адријана. Се трудиме што подобро да ги подготвиме за тоа,“ откри Марко за прв пат по неколку месечниот молк на оваа тема.