Pirelli календар за 2017 - соголување на ѕвездите без Фотошоп и шминка

Детали

среда, 30 ноември 2016

„Emotional“ е насловот на календарот на Pirelli кој и оваа година, како и минатата, е поинаков од она на кое претходно бевме навикнати.

Создавањето на календар посветен „не на совршени тела, туку на чувствата и емоциите, соголувајќи ја душата на моделите, кои на тој начин стануваат целосно разголени пред светот“ е целта кон која се стреми календарот.

Календарот е дело на германскиот фотограф Питер Линдберг кој вели дека она кое сакал да го прикаже и раскаже преку сликите е една “Вистинска убавина, автентична, недопрена од рекламите, убавина која зборува за индивидуалноста и храброста да се биде она што сме.“

Главните ликови на овој календар оваа година се познати актерки од различни возрасти, нации, земји, фотографирани со најголема едноставност, без Фотошоп и дополнителни ефекти за разубавување.

Кејт Винслет, Пенелопе Круз, Ума Турман, Никол Кидман, Алисија Викандер, Џулиен Мур, Робин Рајт, Хелен Мирен, Руни Мара, Џесика Частеин, Лупита Нионго, Леа Сејду, Шарлота Рамплинг, Џанг Цији и Анастасија Игнатова се лицата кои ќе ги препознаете на црно-белите фотографии кои пленат со својата едноставност и убавина.

• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. С. | Црнобело