Не се само пластични операции: Зошто ѕвездите изгледаат подобро од кога било, и по 60-тата година?

Детали

недела, 26 јануари 2025

Деми Мур има 62 години и изгледа подобро од кога било. Но, Елизабет Тејлор, која важи за една од најубавите актерки кои се појавиле во Холивуд, на иста возраст делува многу постаро. Покрај процедурите кои се подостапни од кога било, на што друго се должи младешкиот изглед на ѕвездите?

Деми Мур, Сандра Булок, па и Лепа Брена веќе ја „газат“ седмата деценија од животот, но ако не им ја знаете возраста, сигурно не би им дале 60 и повеќе години.

Од друга страна, кога ќе погледнете фотографија од, на пример, Елизабет Тејлор на иста возраст, веројатно ќе помислите дека има сигурно барем 70 години.

Елизабет Тејлор на 60-годишна возраст

Исто добра споредба за овој феномен се сериите The Golden Girls (која се емитуваше во 1980-тите) и Just Like That (новото продолжение на Sex and the City).

И во двете серии, главните ликови се жени во 50-тите години од животот.

Но, кога ќе ги погледнете актерките од The Golden Girls, сигурно ќе помислите дека имаат над 65, можеби и 70 години.

Иста е ситуацијата и со мажите – Џорџ Клуни има 63 години, а изгледа подобро од кога било.

Од друга страна, неговиот колега Џејсон Александар е во 30-тите години од животот во серијата Seinfeld, а некако делува постаро и од Џорџ Клуни.

Актерот Џон Лигоу, пак, најпознат по серијата Third Rock form the Sun, на 60 години веќе беше проќелав и делува многу постар од Клуни.

Кај жените, се забележува разлика и во облеката што ја носат – додека денес актерките носат поразголена облека, ѕвездите како Елизабет Тејлор и Кетрин Хепберн носеа строго пошироки парчиња кои целосно ги покриваат, и тоа уште пред да наполнат 50 години.

На оваа драстична разлика секако дека се должат бројните процедури за подмладување што се достапни денес.

Но, и самите пластични хирурзи истакнуваат дека огромно влијание има животниот стил.

„Како општество, денес сме посвесни за нашето здравје и се фокусираме на тоа да ги внесеме сите потребни хранливи материи преку исхрана и суплементи“, вели пластичен хирург за Daily Mail.

Мариса Томеи има 60 години

Тој открива и дека кај познатите, многу е популарна процедурата со инфузија позната како NDA+ која содржи коензим што се наоѓа во сите живи клетки.

Со други зборови, инфузијата е како скап додаток во исхраната бидејќи еден третман чини околу 750 долари.

Кај славните е популарна бидејќи наводно го забавува стареењето, но и ја подобрува функцијата на мозокот.

Еди Марфи има 63 години

Овде е и физичката активност, а добро познат факт е дека повеќето славни личности имаат и лични тренери.

Исто така, денес и за нас „обичните“ луѓе има многу поефикасни продукти за нега на кожа, а славните можат да си дозволат многу поскапи и поквалитетни кремови, серуми и што уште не.

Значително е напредната и пластичната хирургија, а постојат и други процедури кои се лесно достапни.

„Денес има многу повеќе процедури кои им се особено достапни на славните.

Полесно им е да стават ботокс или филери, а ова се прави за краток период и речиси и да нема време за заздравување како од операција.

Славните имаат и пристап до врвни продукти за нега на кожа, консултација со дерматолози, професионални мејкап артисти, како и нутриционисти, па и лични готвачи кои готват за нив.

Има многу елементи зошто славните изгледаат многу помладо од претходните генерации“, додава пластичниот хирург.

Сандра Булок има 60 години

Тој истакнува и дека денес стандардите за убавина се многу построги, па славните, особено жените, се под притисок да ги следат и сакат да изгледаат „совршено“.

„Отсекогаш имало фокус на изгледот и убавината на жените, но стандардите за убавина постојано се менуваат.

Она што се сметало за убаво минатиот век, денес го гледаме сосема поразлично“.

Бред Пит има 61 година

Сепак, хирургот истакнува дека иако жените денес изгледаат помладо и повитално за разлика од претходно, желбата за совршенство може да се одрази негативно, особено кај оние кои не можат да потрошат цело богатство на тренери, готвачи, нутриционисти, процедури…

„Како што се менува културата, се менува и нашата перцепција за убавината.

Кога социјалните мрежи се интегрирани во нашето општество, лесно е да паднеме под влијание на другите.

Оваа фасцинација и желба за ’совршен‘ изглед присилува многу да бидат покритички настроени за нивниот изглед и сакаат да прават и процедури за да ги постигнат стандардите за убавина.

Обидот да изгледате ’совршено‘ може да ви ја наруши сликата што ја имате за себе, како и самодовербата“.

Спирова С. | Црнобело