Латино заводникот Малума, што ја отпеа „Chantaje“ со Шакира, денес е уште пожежок (фото)

Детали

четврток, 28 септември 2017

Хитовите за овој млад латино убавец ве расположуваат за миг.

Колумбискиот пејач и текстописец Малума (чие вистинско име е Juan Luis Londoño Arias) пред речиси една година ја отпеја песната „Chantaje“ со Шакира и оттогаш неговата слава ширум светот расте со неверојатна брзина.

Тој денес, иако има само 23 години, има дури 28 милиони следбеници на Инстаграм и неговите песни ги зафаќаат првите места на светските топ листи.

Инаку Малума ја започна својата музичка кариера во Колумбија во 2010 година, а во 2012 го издаде својот прв студиски албум, по што следеа номинации за најдобар млад изведувач и спотови со милионски прегледи.

Вториот албум го издаде во 2015 со песни кои беа примеси од реге, поп и урбан звук, а песните „Borró Cassette“, „El Perdedor“ и „Sin Contrato“ влегоа во топ 10 најжешки латино хитови.

Во 2016 година тој оствари соработки со Талија, Рики Мартин и Шакира, а во првата половина од 2017 повторно направи погодок со хитот „Felices los 4“.

Еве ги најновите фотки на Малума на Инстаграм:

С. С. | Црнобело