Што треба да знаете за Купер Хефнер (26), синот и наследник на Хју Хефнер?

Детали

петок, 29 септември 2017

Легендарниот основач на магазинот Playboy, Хју Хефнер ќе остане запаметен по неговиот спектакуларен живот во палатата Playboy и по тоа што секогаш беше опкружен со згодни девојки.

Тој почина во средата на 91-годишна возраст, а веста ја пренесоа речиси сите светски медиуми. Работата во Playboy Хефнер му ја препушти на својот најмлад син, 26-годишниот Купер Хефнер.

Купер, заедно со неговиот постар брат Марстон, порасна во палатата на Playboy, па логично беше дека ќе го наследи бизнисот на својот татко. Неговата мајка е плејбој ѕвездата Кимберли Конрад, која се разведе од Хју во 2010-тата.

Купер е поранешен директор на компанијата за медиуми HOP, a моментално е креативен директор на Playboy Enterprises и има сличен екстравагантен животен стил како својот познат татко.

Сепак, Купер неколку години ѝ е верен на својата девојка Скарлет Брн, со која планира и брак. 

Кога не е зафатен со работа, Купер вечера во најпознатите ресторани во Лас Вегас, се дружи со ѕвезди од светската елита, лета со приватни авиони и ужива во животот.  

• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. В. | Црнобело