Зошто и како Кејт Мидлтон си замина дома толку брзо по породувањето?

Детали

вторник, 24 април 2018

Вчера наутро, во 11:01 часот претпладне, Кејт Мидлтон роди здраво момче, кое тежи 3 килограми и 800 грама. Само 7 часа подоцна, заедно со принцот Вилијам и синчето, ја напушти болницата за да ужива во комфорот на Кенсингтонската палата.

И бидејќи кај нас нормално е да се преспие барем една ноќ во болница со новороденчето, сите се прашуваат како Кејт толку брзо застана на нозе и си замина дома.

Интересно е што Велика Британија е позната по тоа што мајките најкратко остануваат во болниците по породувањето, односно во просек, по ден и половина пред да си заминат дома.

Брзото опоравување и заминување е веќе испраксирано, па со оглед на тоа што Кејт се породи утрото, немало потреба да преноќи.

Многумина тврдат и дека е невозможно мајката и детето да се одморат, со оглед на целата гужва и галама која им се создава под прозорецот, од луѓето и новинарите кои се собрани пред болницата.

Плус, негата која Кејт и бебето ја добиваат е иста, без оглед дали се во болница или дома. Во Кенсингтонската палата веќе има тим од 20 стручни лица и доктори кои се грижат за здравјето и добрата состојба на мајката и новороденчето.

Тимот вклучува акушер, гинеколог, двајца доктори кои биле присутни за раѓањето на принцот Џорџ и принцезата Шарлот, како и експерти анестезиолози и педијатри.

Со оваа „домашна болница“ сосема е логично зошто Кејт си заминува толку брзо по породувањето.

М. Д. | Црнобело