Кортни Кокс ѝ пишала на ќерка си „Те сакам“, на чекор од рушење на авион со Џенифер Анистон

Детали

четврток, 21 февруари 2019

Кортни Кокс и Џенифер Анистон се блиски пријателки, па Кортни не само што присуствуваше на раскошната роденденска прослава по повод 50-тиот роденден на Џенифер, туку таа беше поканета и на кусото патување до Мексико, организирано по повод роденденот на Џенифер само за најблискиот круг на пријатели.

Со приватен џет одлетале за Мексико, но патувањето до Кабо се претворило во кошмар, откако дошло до пукање на гумата на авионот. Екипажот одлучил дека не е безбедно за слетување, па го свртел авионот назад за Лос Анџелес и кружеле околу за да го потрошат горивото.

Наводно, 4 часа подоцна авионот конечно можел да слета безбедно, но забавата не била откажана и Џенифер ги префрлила сите гости во друг приватен авион.

Сепак, за сериозноста на ситуацијата говори фактот што за време на ризичниот лет Кортни на својата ќерка ѝ испратила СМС порака со содржина „Те сакам“. Таа во едно интервју откри дека не се плаши од летање, но дека ова за неа била застрашувачко искуство затоа што не знаеле каков ќе биде резултатот и стравувале за својот живот. 

Таа му пишала и на свршеникот во каква незгодна ситуација била, но, за среќа, сѐ се завршило добро.

С. С. | Црнобело