Првиот брак му траел само 4 месеци – Со кои 7 убавици се забавуваше Бредли Купер пред Ирина Шајк?

Детали

сабота, 08 јуни 2019

44-годишниот актер е во фокусот на вниманието откако Ирина Шајк со куфери го напушти нивниот дом.

Сè уште не се знае дали главниот виновник за разделбата е Лејди Гага, со која Бредли имаше неверојатна хемија за време на снимањето на римејкот A Star Is Born, но и надвор од филмскиот сет.

Во секој случај, повеќе од очигледно е дека згодниот харизматичен актер е повторно сингл. Да се потсетиме на неговите највпечатливи романси пред врската со Ирина Шајк:

Џенифер Еспозито

Актерката од Blue Bloods и Купер за прв пат се појавија заедно на црвениот тепих за време на наградите Златен Глобус до 2006 година. Тие се забавувале нешто помалку од 12 месеци пред да ја објавата свршувачката во октомври, 2006 год.

Се венчале кон крајот на декември на интимна церемонија во јужниот дел на Франција. Но, по само 4 месеци Џенифер поднела барање за развод. Во нејзиниот мемоар издаден во 2014 година таа го нарекла актерот „неверојатен манипулатор“.

Изабела Брустер

Во 2009 година, Бредли започнал да се состанува со помладата сестра на Џордана Брустер, ѕвездата од серијалот Fast & Furious. Изабела работела како агент за пронаоѓање млади таленти, но според должината на нивната врска се чини дека не станувало збор за ништо пресериозно.

Рене Зелвегер

Се запознале за време на снимањето на филмот Case 39, а започнале да се гледаат летото во 2009 година, веднаш по разводот на Рене со пејачот Кени Чесни. Нивната врска почнала да се „лади“ откако Бредли ја добил улогата во филмот Limitless. Двајцата актери се разделиле некаде во март, 2011 година поради нивните презафатени распореди.

Џенифер Лопез

Веднаш по разделбата на Џенифер Лопез со сопругот Марк Ентони, таа беше забележана на низа состаноци со Бредли во есенскиот период во 2011 година. Сепак, врската ја карактеризирале како необврзувачка, пред двајцата да ја прекинат неколку месеци подоцна.

Зои Салдана

Актерите ја започнале врската за време на снимањето на филмот The Words во 2012 година. Зои Салдана веќе се имала разделено од нејзиниот свршеник Кит Бритон. Салдана и Купер биле заедно околу една година пред да раскинат точно пред Новата година во 2012.

Веднаш по раскинувањето, Салдана започнала да се гледа со Италијанецот Марко Перего со кого се венчала тајно во јуни, 2013 година.

Суки Вотерхаус

Британскиот модел и актерка Суки Вотерхаус која глумеше во филмовите Insurgent, The Bad Batch, и Billionaire Boys Club се состанувала со Бредли од март 2013 до март 2015 година. Нивната врска предизвика контроверзија поради разликата од 17 години меѓу нив.

Се разделиле по 2 години главно поради фактот што Бредли бил подготвен да основа семејство, а Суки не го сакала тоа, бидејќи имала само 23 години во тој период.

Ирина Шајк

Рускиот супермодел и актерот започнале да се состануваат на почетокот на 2015, откако Ирина ја прекина 5-годишната врска со Кристијано Роналдо. Во март, 2017 година Ирина и Бредли тие го добија нивното прво дете Леа Де Селин.

Во јуни оваа година, двојката се раздели после 4 години врска и наводно се договараат околу деталите за старателството на нивната ќеркичка.

(О)Милена | Црнобело