„Не стигнувате до 50 милиони следбеници без да го покажете задникот“ – Вил Смит со видео од неговата колоноскопија

Детали

четврток, 07 ноември 2019

Во средата, Вил Смит објави видео на неговиот Instagram профил, од неговата лекарска посета.

На шега, актерот изјави дека се надева дека со ова видео ќе добие уште 10 милиони следбеници, за да стигне до 50 милиони.

„Велат дека не можете да стигнете до 50 милиони следбеници на Instagram ако не си го покажете задникот. Па еве ме, ќе ми прават колоноскопија“, напиша 51-годишниот актер.

Во текот на целото видео, Вил ја раскажува лекарската посета.

„Ова се моите чорапи, мојата медицинска наметка, се отвора од назад. Мојот задник ќе биде надвор, за да можат полесно да стигнат до него.“

Подоцна лекарите изјавиле дека процедурата поминала добро и немало компликации.

Сега останува само да видиме дали планот на актерот ќе работи и дали ќе „собере“ уште 10 милиони следбеници.

Спирова С. | Црнобело