Познати личности кои не трошат пари на јахти и дијаманти, туку го спасуваат светот

Детали

понеделник, 09 декември 2019

Според статистиката, во 2017-та година во Америка околу 410 милијарди долари биле донирани во добротворни цели.

Ширум светот, 41% од луѓето кои донираат ги дават парите за жртвите и последиците од природните катастрофи, а 31% донираат пари за невладини организации и добротворни организации надвор од нивната држава. Останатиот дел од парите е дониран за образование, животни и слично.

Овде голема улога имаат познатите, бидејќи тие донираат најголем дел од парите. Иако можеби за нив тоа е незначајна сума, со ова тие даваат пример и ги мотивираат сите да помогнат колку можат.

А некои познати навистина се истакнуваат со нивните донации.

Луѓето во продолжение не ги трошат своите пари на јахти и дијаманти, туку сакаат со нив да го направат светот подобро место за живеење:

Киану Ривс

Во 2003-та година, Киану изјави дека веќе има доволно пари за да живее наредните неколку векови. За актерот е добро познато дека е многу дарежлив и голем дел од заработката од трилогијата „Matrix“ им ја дал на тимовите одговорни за костимите и специјалните ефекти.

Покрај тоа, Киану води и приватна фондација која донира милиони за детски болници и истражувања за рак. Оваа болест му е добро позната на актерот бидејќи во 1991-ва, неговата сестра беше дијагностицирана со леукемија.

Леонардо ди Каприо

Фондацијата Леонардо ди Каприо беше основана во 1998-ма, и веќе има донирано над 80 милиони долари за над 20 проекти од областа на екологијата.

Актерот обично соработува со партнери со локализирани проекти од целиот свет.

Покрај тоа, Леонардо неколкупати има држено говори за проблемот со климатските промени, а инвестира и во вегански компании.

Џорџ и Амал Клуни

Познатиот пар ја основа фондацијата Clooney Foundation for Justice. Фондацијата има 2 програми чија цел е да ги разоткрие прекршоците на човечките права.

Фондацијата им дава пари на бегалците и ранливите и маргинализирани заедници и им помага одново да го изградат својот живот. Истовремено, се обидуваат да ги спојат и децата кои биле одделени од родителите на границата на Мексико и САД.

Џон Сена

За професионалниот атлет е познато дека често соработува со фондацијата Make-A-Wish. Засега, тој е личноста која им има исполнето најмногу детски желби преку фондацијата.

Во 2012-та, Џон започна кампања со која собра 2 милиони долари за една фондација за рак на дојката. Неодамна тој донира и 2 милиони долари за фондацијата FlipOps која им помага на воените ветерани.

Џ.К. Роулинг

Во 2001-ва, Роулинг ја објави „Fantastic Beasts and Where to Find Them“ само за да собере пари за организацијата Comic Relief.

Писателката ја основа и организацијата Lumos што им помага на децата од сиропиталиштата ширум целиот свет.

А, дека е кралица на хуманитарците покажува и тоа што писателката го изгуби статусот милијардер поради нејзините донации.

Продолжува на следната страница...