Модно нескладни: Згодната Никол на вечера со 7 години помладиот дечко (фото)

Детали

четврток, 16 јануари 2020

На почетокот од месецот Никол Шерцингер и Том Еванс ја потврдија нивната врска, а според фотографиите од средата, изгледаат посреќно од кога било.

Познатата пејачка се појави со светло син светкав фустан, држејќи го за рака поранешниот рагбист Том Еванс. Никол ја дополнила комбинацијата со сандали со високи потпетици и гламурозен црвен кармин.

34-годишниот Том, од друга страна, се одлучил за полежерна комбинација.

Парот се запозна кога Никол беше ментор за бендот на Том во шоуто The X Factor: Celebrity. Гласините за нивната романса започнаа уште минатата година, кога учествуваа во шоуто. Парот ја потврди врската со заедничкото појавување на доделувањето на Златните глобуси.

Иако врската е нова, наводно, Никол му го привлекувала вниманието на Том веќе 6 години. Но, тој ги искажал неговите чувства дури кога учествувал во X Factor.

„Том знаеше дека ќе се забавува на шоуто, и не само поради пеењето. Никол му се допаѓа веќе некое време и му беше мило што ќе има можност да минува време со неа и да ја заведе. На крајот, таа не можеше да му одолее на шармот на Том, иако беше судија на шоуто“, изјави еден од изворите.

Спирова С. | Црнобело