Синот ќе ја води до олтарот, нема да има огромен фустан: Детали за свадбата на Џеј Ло и Алекс Родригез

Детали

среда, 05 февруари 2020

Откако Алекс Родригез ја запроси, фановите на Џенифер Лопез нетрпеливо ги очекуваат деталите за венчавката на годината. Иако датумот сè уште не е одреден, Џеј Ло полека открива малку по малку за плановите за големиот ден.

Ова е она што до сега е познато:

1. Нејзиниот син Макс ќе ја има главната улога на венчавката

Тој ќе ја испрати Џенифер до олтарот.

2. Поканети ќе бидат и поранешните сопружници.

„Колку повеќе – толку позабавно“ – изјави Алекс за Good Morning America.

3. Нема да има „принцезински“ голем фустан.

Лопез беше фотографирана како невеста за време на снимањето на нејзиниот најнов филм „Mаrry Me“, но таа изјави дека не сака таква тешка и голема венчаница на сопствената свадба.

4. Венчавката ќе биде во црква.

Џеј Ло досега се нема венчано во црква и ова е пред сè нејзина желба.

5. Кога ќе биде големиот ден?

Некои извори велат дека планот за свадбата е ова лето, но сè уште ништо не е потврдено.

Е. П. | Црнобело