Не слуша туѓи совети, мора да биде строга – Џеј Ло открива што научила за мајчинството

Горда е на неа и на Марк

Во интервју за Vogue, Џеј Ло прозборе за врската со Марк Ентони после разводот и заедничката грижа за нивните деца:

„Сè уште сме пријатели и родители. Но, ќе биде потребно време. Тешко е. Но воглавно, горда сум на начинот на којшто се справуваме. Го правиме најдоброто за нашите деца.“

Мајките мораат да се грижат за себе

Мајките вложуваат толку многу време и енергија во нивните деца, што целосно забораваат на себе. Џеј Ло кажа некој збор и за тоа:

„Слушајте, стареам, како секоја мајка во светот. Мора да најдете рамнотежа меѓу децата и работењето и грижата за себе. Не е лесно.“

Не сака нејзините деца да станат ѕвезди уште во детството

Повеќето познати не сакаат нивните деца да станат ѕвезди во детството, бидејќи добро знаат како е.

Џеј Ло ќе ги поддржува децата доколку сакаат да бидат ѕвезди, но најпрво сака да им овозможи нормално детство.

Но којзнае колку „нормално“ може да ви биде детството кога мајка ви е Џенифер Лопез.

Мајчинството ја променило

Пејачката неколкупати има изјавено колку всушност ја променило мајчинството. Таа смета дека ја направило подобра личност.

Џеј Ло вели дека на турнеите може да се почувствува осамено, но сега може да ги понесе нејзините деца со неа.

Никогаш не помислувала дека ќе биде мајка

„Немав деца до подоцна и мислев дека тоа никогаш нема да се случи за мене, па свесна сум дека сум благословена“, изјави пејачката во едно интервју.

Пред да стане мајка, им давала совети на другите родители

Пред Џеј Ло да остане бремена, им давала родителски совети на нејзините пријатели. Сега била ужасната од ова нејзино однесување, бидејќи дури сега сфатила колку е лошо.

Мајките треба да бидат самостојни

Џеј Ло е одличен пример за жена која нашла рамнотежа помеѓу мајчинството и работата. Притоа, таа се залага за правата на модерните жени. Џеј Ло тврди дека животот не завршува откако ќе станете мајка:

„Да бидете добра мајка или добар родител или добра жена во овој свет, мора прво да бидете самостојни и свои. Знаете на што мислам и тоа е многу моќно.“

Спирова С. | Црнобело