Како одговори Хали Бери на критиките дека син ѝ се шета дома во нејзини штикли?

Детали

понеделник, 06 април 2020

Деновиве сите се обидуваме да најдеме некаква разонода во домот, а истото го прават и познатите.

Па така, 53-годишната Хали Бери сподели видео од нејзиното синче, кое се обидува да оди низ дома во нејзини чизми со високи потпетици.

6-годишниот Масео носи слатки пижами и бели кожени чизми со високи потпетици, и едвај успева да одржи рамнотежа со нив.

„Карантин ден 12“, стои во описот на објавата.

Иако очигледно Хали и нејзиниот син само се забавувале, многу луѓе ја критикуваа актерката.

Некои коментирале дека нивните синови никогаш не си играле со „женски обувки“, а други, пак, напишале дека се надеваат дека тоа е ќерката на Хали.

Но, актерката знае како да се справи со сите и одговори на најдобриот начин:

„Безопасна забава. Се обидуваме да преживееме сега. Ме разбирате?“

Актерката додаде дека периодов само се обидуваат да се справат со ситуацијата, а шегите, како онаа на видеото, им помагаат.

Како се забавувате вие со вашето дете во деновите кога сте затворен дома?

Спирова С. | Црнобело